الازوري اغد جاي

عبد الله الازوري سجل حضورك نبي طاروق ان سمح وقتك

حياك يالاصلع والله يقوينا

يامرحبا بك ياعميل الخير بعد انك لفيت= واللي لفا يبشر بدهنة خشم عند الاصلعا

انا بسوق المرجله ياالازوري بعت وشريت= وانته تغص بماك واكلك دوب ياالله تجرعا

دام الــبقـا بــك يا عـميل الخير بعد انك بديت
والــلـي لفــا يــبشر بدهنة در عــنــد الالمعا
انا على ورث الجدود الشعر والعرف ارتوييت
ولا انت جاهل لو تبى تروي لك العرف انبـعا

انا لقيت اللي لقيته وانت قلي وش لقيت= يااللي تشيل البندقيه فوق متنك تقرعا

ياالازوري يازين جر الصوت لامنك غفيت= وايا صحيت نشوف عينك ياالعتيبي تدمعا

انا عتيبي والعتيبي بالزمن سمعه وصيت
ومن تسمى له بسم جاته علوم امقربعـا
ياصاحبي وانا بعيد{ن} عنك لكنك نديــت
اجيك وانت فاتحـ{ن} بابك معيه مـــدفعا

النعم بيكم ياعتابه وانت بالدرب احتديت= يم المصرقع لين سموك الرجال مصرقعا

انا اعرف السرحان في مسراي لامني سريت= ياصاحب المدفاع يااللي كل عام تدفعا

يبن احمد الصلاة بدت الصلاه وانا صايم استأذنك وبالليل انكمل

الله يقبل منا ومنك الصيام والقيام وخير ان شاء الله

رجل{ن} وسيع المعرفه باخذ من العرف وعطيت
ورجل{ن} بيـهبى باقي اعلومي تجيه امطرطـعا
الـــذيــب يعوي بالجبال السود كان انك رقـــيـــت
والــيــا جـهـلـتـه حــاطــت الــكـم بالجهات الاربعا

بالله قلي يوم جيت البيت كم طفت وسعيت= احدعش والا ياعميل الخير عشره واربعا


الذيب ماروع اسود الغاب كانك مادريت= حنا رجال مانهاب الموت يمه نهرعا

انا كسيت ابن اليتيمه والارامــــل كم كسيت
ابكسيك الــثـياب الــلي تجــمل ثوب امبرقعا
انــت رمـيـت الـرميه اللي ليتك الها ما رمـيت
وشلون كنت امن الاسود وانت حصني اجرعا

ان كان من فخذ الازاور فانت للاجر اعتليت= وان كان من غير الازاور كب عنك المطقعا

مادام انا حصني فلاشك انت صيده واشتويت= وابليس فالميدان اشوته ثم اخزه باصبعا

ترا الازوار من سلالة من لها فخر{ن} وصيت
والــضــيف لــه ثــلاث ايــام والا بـعدها اقلعا
اللي هامه واللي قامه واللي معزه لو بغيت
ولا انت تـــحــت الحـــفــره اللي مالقيت امشفعا

تصبح على خير وبركه وشكرا على اجابة الدعوه ياالحبيب والقادمات احلى واحلى

وانت بالف خير والدعاوي مزوح