والشعر يا اصحابنا العتبان بالمعنى
تركي الحربي27-Dec-2005, 10:31 PM
سلام ردة وفاء من هاجسٍ غنى = والشعر يا اصحابنا العتبان بالمعنى
قلنا وقلنا وتعرفنا ليا قلنا = سبحان من يعلم الاسرار سبحانه
ياسلامي سلامٍ عد برقٍ يلوح = في المخاييل والدنيا على حالها
ياعميلي تقدم لاتجي لاتروح = حسب ماقيل والدنيا على حالها
مرزوق حمدان العتيبي27-Dec-2005, 10:51 PM
..
.
ارررررحب ياتركي ...
..
طاروق يشد الانتبااااااه ... واسمح لنا بنسولف معك شوي ...
...
.
تركي الحربي27-Dec-2005, 10:57 PM
هلا والله بمرزوق
لي الشرف بمجاراتك والاستفاده منك
مرزوق حمدان العتيبي27-Dec-2005, 11:00 PM
يامرحبا والشعر مطلوب معناها
لكن وين الخبير اللي تبناها
اكثر بيوت العرب مازان مبناها
سبحان من يعلم الاسرار سبحانه
ياقوي المعرفه خلك اكثر وضوح = واسر بالليل والدنيا على حالها
قدمك اللي على كسب المعالي طموح = اشرب الهيل والدنيا على حالها
تركي الحربي27-Dec-2005, 11:34 PM
اشعب ذلولك ترى النيران مشبوبه = والبيت مبناه طوبه فوقها طوبه
وفن المعاني ترى مانجهل دروبه = سبحان من يعلم الاسرار سبحانه
وش حصل ياعميلي فقوم عادٍ ونوح = في اول الجيل والدنيا على حالها
ناركم ماتشب وقدركم مايفوح = ما لكم حيل والدنيا على حالها
فيصل المسعودي28-Dec-2005, 01:12 AM
الليل الليل
ياعين ياعين
مرزوووووق العتيبي
والحربي
وااااصلوووووواااااا
في متابعتكم يالغاااالين
في صفك يااااااااااااااامديرررررررر
تحياتي
((الدلبحي))28-Dec-2005, 01:19 AM
مرزوووووق العتيبي
والحربي
وااااصلوووووواااااا
في متابعتكم يالغاااالين
مرزوق حمدان العتيبي28-Dec-2005, 06:33 AM
..
.
لاتشعل النار ثم تاكلك يالحربي
منته بقادر تصد الرمي والضربي
والحرب ماهيب مثل الاكل والشربي
سبحان من يعلم الاسرار سبحانه
ماحصل شوف كلك منه غادي جروح = ذقتم الويل والدنيا على حالها
ساعة الجد جد ولاش فيها مزوح = نوفي الكيل والدنيا على حالها
ابـن نـعـيـس28-Dec-2005, 09:04 AM
صح السنتكم
واصلوووووو
هذا الابداع
تحيااااااااااااااااااااااااااتي
تركي الحربي28-Dec-2005, 12:10 PM
انت جروحك عميقه من يداويها = والحرب والضرب والله من انت راعيها
والنار ماتاكل الا رجل واطيها = سبحان من يعلم الاسرار سبحانه
القوافل تسير وكل كلبٍ نبوح = تقطع السيل والدنيا على حالها
انت تبغى الهجاد اللي بوقت الصبوح = نسرج الخيل والدنيا على حالها
مرزوق حمدان العتيبي28-Dec-2005, 03:08 PM
لاتحلف بكذب من يكذب ترى فاجر
خل التجاره فقير ٍ ما انته بتاجر
ماتنطح القوم منت براعي امشاجر
سبحان رب السما والارض سبحانه
الحريبي علامه قام يجمح جموح = حيله خبيل والدنيا على حالها
انت في وسط دارك من نزوح لنزوح= خف تهويل والدنيا على حالها
تركي الحربي31-Dec-2005, 12:32 AM
الاخ / مرزوق وجميع المتابعين اسف على التاخير لاني كنت بالديره والدير مابها تلفون
خلك في حالك على ماقيل مرزوقي = والكذب ماهو بلنا وانت مطفوقي
حنا نسوق العدا وقت اللقا سوقي = سبحان من يعلم الاسرار سبحانه
يشهر الحر يوم ان الحمامه تنوح = يا اسود الذيل والدنيا على حالها
خل قلبك وسيع وخل صدرك نصوح = واعدل الميل والدنيا على حالها
((الدلبحي))31-Dec-2005, 02:29 AM
الله الله
طاروق حامي واصلوا والصفوف حاميه
والقهوه والمه
تحيااااااااااااااااااااااااااااااااتي
