الايازين سجات القدم

ان
انا صدري يضيق من الجلوس وخاطري عمسان=على التفكيرقلبي راح في همه وهندابه
اباالمطلاع من جو البلد والمشي فا البران=ابا اشم الهوا الصافي واشوف الشعب و اهضابه
اشوف الديره اللي خاطري في شوفها شفقان=واسج الرجل مع خدن تسلي شوفة اعشابه
الياشفت الفياض المخضره بالعشب والغدران=تجدد عمري اللي راح نصه والله ادرا به
انا قلبي يحب ا لبر والممشا مع الريضان=هوا جيس الضمايرتنشرح يوم التمشا به
ليامنا قضينا يوم من سفوه ليا عردان=توجهنا جنوبً شرق للمشقوق وترابه
نبا سجا ت نقضيها من البره ليا الصوان=ساعا تً تنقضي تسوا حيات النذل والصحابه
الايازين سجا ت القدم غربن من الضلعان=ليا من الحوم خشمه تبين واقتد ينابه
وشب النار فا لعبله بعد ما سالت الوديان=غرامي يوم كلاً يشتقي في شوفت احبابه
تراها منوتي يوم الردي سافر يبا لبنان=هواها يوم اشمه منوتً[ن] للقلب واطبابه
غلاها وسط قلبي يا فهد ماله حلِين كان=ورآ نا ما نحب ارضاً ربينا به وعشنابه
صحيح ان الوطن حبه الياقلنا من الا يمان=ومن لاحب داره مامعه قلب يتلها به
هذ اهو دارنا اللي مالكينه من على الجدان=بضرب السيف جانا يوم نارالحرب شبابه
قبايل نجد زحناها وجينا فيه باالا ضعان=مجين كا تب التاريخ عنه يوضح كتابه

،،،،،،
الشاعر/جهز الهرس