محاورة الطياره ( السناني + الرياحي + العصيمي + العازمي )

السلام عليكم ورحمة الله وبركاته


جايب لكم اليوم محاوره من اشهر المحاورات في الجزيره العربيه . دارت رحاها بين أركان الشعر في المملكه وهم

1- محمد السناني الجهني
2- فيصل الرياحي البقمي
3- مستور العصيمي العتيبي
4- حبيب العازمي العتيبي

ــــــــــــــــــــــــــــــــــــــــــــــــــ ـ




- فيصل -

ونصفو في الطايف وين العب الكايف
فوق الضلع النايف طيري ياطياره

- محمد -

منهو شاف حبيب عنده علماً طيب
يلحق قبل يشيب طيري ياطياره

- مستور -

يافيصل سيرها وأفكارك غيرها
وأين انت وطيرها طيري ياطياره

- حبيب -

يامحمد ريحنا بالدعوه صارحنا
أمسينا وأصبحنا ما طارت طياره

- فيصل -

خندف مع شبابه لابه تنطح لابه
والدنيا غلابه طيري ياطياره

- محمد -

الموقف موقفنا والطيب شرفنا
ياحبيب سولفنا طيري ياطياره

- مستور -

خندف في ديرتها لاتقرى سيرتها
جابتها ودتها طيري ياطياره

- حبيب -

لا ينكبك العيه وتضويلك سيه
تسعين من الميه حمله في طياره

- فيصل -

يا مستور الثوره لنفس المغروره
خلوها مستوره روحو في الطياره

- محمد -

النكبه مقسومك يالي قرب يومك
غصب طيح نجومك طيري ياطياره

- مستور -

يا فيصل العيره طاحت في حفيره
صفر بالصفيره وأركبلك طياره

- حبيب -

راحت حطو وشيلو أعتدلو مع ميلو
كم يمشي من كيلو طبلون الطياره

- فيصل -

أثر العود مهذري ويسولف ما يدري
جاكم يمشي عبري ودعسته طياره

- محمد -

العاقل له طاعه وأسمع بالسماعه
خمسميه بالساعه طبلون الطياره

- مستور -

يا فيصل لو تدري عن ما حاوي صدري
ما تنقص من قدري يا راعي الطياره

- محمد -

قام محمد ينزي ويدور للكنزي
ويسافر بالعنزي في وسط الطياره

- فيصل -

يا منفوش الشوشه لا تفرح بالهوشه
لك فرشه مفروشه في ذيل الطياره

- محمد -

أحبيب له خطه وأفكاره مختلطه
بيسافر بالقطه في زقم الطياره

- مستور -

يا كساي السرحه لا تحلم بالفرحه
مالك غير الذبحه من دون الطياره

- حبيب -

ليش تذم الهره يا محلا هل الفره
راح وجيهك صره في وسط الطياره

- فيصل -

يا مسحرنا الداحه الحجل النباحه
خلك في مرجاحه تسحبك الطياره

- محمد -

عاقل وأرفع نفسي ماأبغى الهرج العكسي
باأوقف راعي التكسي وأطلع بالطياره

- مستور -

سولفلي عن ساره خيالً بالغاره
والدنيا دواره ياراعي الطياره

- حبيب -

يا محمد هرجنا ولا لا تزعجنا
الموقف يحرجنا جنحان وطياره

- فيصل -

ساره تسوى ميه منكم يالبسليه
نكست الطاقيه في ظهر الطياره

- محمد -

علمي علماً ثابت بندق صابت صابت
والعقال أرتابت طيري ياطياره

- مستور -

ساره فلقحناها وتصيح لعزاها
وأنت تشيل أرداها في جوف الطياره

- فيصل -

لا تقوم تبلبل ماأنت خيال البل
ياكاذب يا تنبل طايح من طياره

- مستور -

من يكذب غيرك لين تحرف سيرك
أرقص وأندر زيرك في جوف الطياره

- فيصل -

ليله وأبرك ليله رز الثعلب ذيله
بالله وش الحيله ثعلب في طياره

- مستور -

أنت ذيل الثعلب تجلس ولا تلعب
يافيصل لا تنشبب في باب الطياره

- فيصل -

أنت ولد الجني لاكن أبعد عني
يالطيار القني خربت الطياره

- مستور -

عاشو قوم الخرمه يوم أعطوك الدرمه
وأنت مثل الحرمه في جوف الطياره

- فيصل -

لا تذكرنا الحربي يا سحاب الزربي
مع بابها الغربي تدخل في الطياره



تقبلو تحياتي

كتابت أخوكم : ذيب الجهني

ــــــــــــــــــــــــــــــــــــــــــــــ

هههههههه اهب يامستور

لاهنت يالجهني

الجهني

بيض الله وجهك

محاوره ماتنسى

اخووك

بيض الله وجهك

لــــكــــــن ::


ياليت تكون صوتية

بصوت واضح

مشكورين على المرور الكريم

ودمتم ...

هذا محاورة قويه وسفيه من نوع اخرى لكن فيه اقوى منها في المعنى

مشكور اخوي ذيب وعز الله ما قصرت

هذي موال ولا بيوت

لاهنت

الله لايهينك ياخ ذيب الجهني

فعلأ محاوره قويه بين حضار

عزوة شبابه وعزوة خنذف


تحياتي

لاهنت يالجهني


بس كل ما تذكرت هالمحاورة قلت عسى ربي ما يعودها


لأن شعارنا ارقى من هذه الابيات التي خرجت عن طورهم ولا ننسى أبليس زوووود النار بنزين

مشكورين على المرور



اخوي راعي العبيله اذا عندك تحفظ على المحاوره ارجو ان يكون تعليقك افضل من ماذكرة ولاتصف المحاوره و الشعار

كلهم بهاذا الوصف لان فيهم من انسحب بسبب هاذا المحاوره والدليل




- محمد -

عاقل وأرفع نفسي ماأبغى الهرج العكسي
باأوقف راعي التكسي وأطلع بالطياره


وحاول حبيب ان يرده السناني عن قراره بالانسحاب ولكن السناني تصرف بمعدنه الثمين دون قصور بحد







- حبيب -

يا محمد هرجنا ولا لا تزعجنا
الموقف يحرجنا جنحان وطياره




واتى الرد الثابت



- محمد -

علمي علماً ثابت بندق صابت صابت
والعقال أرتابت طيري ياطياره

الله عليك ياالسناني هذي هقوتي فيك تسير الملعبة كما تبا لكن بيض الله وجهك ووجه ناقلها .

تحياااااتي .