ملحمه للشاعر/ محمد بن دخيل ابو خطمه الشيباني العتيبي

ملحمة للشاعر / محمد بن دخيل الله أبو خطمه الزبلوقي الشيباني في مدح قبيلة عتيبه ومشايخها :ـــــــــــــ


اونست لي هوجاس وابديت مســـبار=والمسعد اللي مايعدي المســـــــابير
يازين مبداً فيــــــه والجيــــش عبـار =ولا تخايل والركايب مناظـيــــــــــر
من خوفتن ينظرك بالشـــــــوف نظار=وتركض عليك معسكرات المســامير
والليل مقبل مزين الليـــل ســـــــــتار=ولتو وعدهن للوجيه المســــــــافـير
وتطلقوا مثل الســـــــــراحين عبــــار=ويبشــــرون اللي قعد بالمعاشــــير
ياقلب ريــــــــح خل عنك التذكـــــار=لاكل يومٍ ذاكرٍ لك ذواكيــــــــــــــــر
زلت عصور الجيش مع قحص الامهـار=وعصور اهلهن لابسين المشـــاهــير
اللي حموا نجد المســـــــمى بالاذكار=حامين من وادي الدواسر الى النــير
وبغليلته وادي الرشــــا كانه اعتــــار=ولا عليه المزن هلت شـــــــــخاتــير
ثم أنتهــض صـــدره بصمعــا وصـفـار=وتعاقبن اســـــافله بالنــــــواويــر
وجاته عيـــال مضيم تزفر تزفــــــــار =وجاه الدويش مســــيراً بالمضاهــير
وجتهم عتيبـــــــه دولةٍ تضرب الطـــار=مثل العســاكر يضربون المزامــير
في راي أخـو همـلا عسـل مر الامـرار=ضاريٍ بقصعات الجموع المزابــير
ماخمخم العاني ليا جتــه الانــــــــذار=يرعى الخطر باللي ســوات الجزازير
وفي راي مسـلـط بالمـحاظيـر جــزار=في يوم معتق يوم هاك الذواكـيـــــر
يذكر على جنبــه من الهنــــد صـــرار=يامـــا نثر به من دما الضـد تنثيـــــر
وفي راي أبن هنــدي ليا ردوا الشار=ماخم شــــوره من خفاف الاشــاوير
حيدٍ رسي له شوفةٍ تملا الانظــــــــار=يردون في رايه ونوبٍ مصـــــــــادير
وعطفتـهـم الهيضل قديـمٍ وصبــــــــار=باولاد مفلح لابســـــــــــين المقازير
ياوي شــيخٍ يوم زوغات الابصــــــــار=لا جا أعتلاج الخيـــل مثـل الحدادير
وشــــالوا عليهم صبح والطير ماطـــار=وتعاقبوا هاك الســــــيوف البواتير
وراحوا عيال مضيم شــتان ونيـــــــار=وراح الدويش وقافيـــــــاته معاصير
.
الى ان قال في الملك / عبد العزيز .. وهو معاصر له

مرذي الحديد اللي تسويه شطار =اللي تسويه النصارا الشواطير

إيضاح:ـ
معسكرات المسامير : الخيل

المشاهير : المشهر هو لبس يلبسه الفارس في الحروب ليميزه عن غيره ويشهر فعله

كما أن الجوخه وخصوصا اللون الأحمر منها هي من لبس الشيوخ وهي التي

تميزهم في المعارك

بغليلته : مصطلح قديم يقصد به الاهميه

الصمعا والصفار : أنواع من الأعشاب البريه

عيال مضيم : قحطان

اخوهملا : الشيخ / هذال بن فهيد

مسلط : الشيخ / مسلط بن محمد بن ربيعان

أبن هندي : الشيح / محمد بن هندي بن حميد

الهيضل : الشيخ / مناحي بن خالد الهيضل


والمعذره على القصور لان القصيدة أطول من هذا ’,’,’,’,

احسنت و الله ياالمتنبي...
ابو خطمة شاعر غزير المعاني و له قصائد مطولة و لكنها قليلة
و مع ذلك فهو غير مشهور حتى في قبيلة عتيبة و الرواية عنه قليلة
و ارجو ان تتحفنا بما لديك من قصائد هذا الشاعر ...
و بالمناسبة فقد سمعت احد كبار السن مرة يروي له قصيدة جميلة تشبه القصيدة اعلاه و لكنها خاصة بالشيابين..و لكني لا اذكر منها الا اجزاء من ابيات ..، فان كان لديك شيء منها ارجو ان تتحفنا بها--الله لا يهينك

العفو يابن مشيب وتستاهل اكثر انت والشيابين وعموم الهيلا

وبالنسبه لقصيدة ابوخطمه في الشيابين عطني لو بيت منها وان شاء الله نجيبها لك

وتقبل تحياتي ,’,’,’,’

القصيده ممتازه وياليتكم تغيرون لون الخط لكي يتضح للقاري قرائتها

بردت كبدي في فارس الهيلا ياليته يقراهاااااا


ولك اجمل تحياتي يالذيب وعساك على القوه


اخوك قايد السرب

صح لسانك ولسان شاعرها الكبير

بيض الله وجهك


واسمح لنا على التنسيق


تحياااااااااااااااااااااااااااااتي

ابو فراس الله لايهينك وبيض الله وجهك وياليت اذا عندك قصايد غيرها للشاعر نفسه تتحفنا بها
تقبل تحياتي

ابوفراس

لاهنت على الملحمة الرائعة

للشاعر محمد بن دخيل ابوخطمه الشيباني العتيبي