قصيدة للشاعر / فيصل الرياحي

بسم الله الرحمن الرحيم

قصيدة البسملة للشاعر /فيصل الرياحي ارجو أن تنال على أعجابكم يقول فيها



البسملة تخزي جميع الشياطين ****بأسمك بدينا ياجويد العراوي

ياهازم الاحزاب ياناصر الدين **** ياخير من يدعى لكل الدعاوي

انا دخيلك يوم نصب الموازين ****وانا بوجهك عن جميع المساوي

عساك ياخالق الانسان من طين **** تفزع لنا يوم المحن والبلاوي

العمر مهما يأخذ أيام وسنين **** يطوي بين اليوم واليل طاوي

يالادمي لوطال عمرك على وين***لابد من يومن على القبر ضاوي

افطن ترى دنياك لعبة وراعين **** لو مدحوها بالامل و المناوي

ترميك تياراتها يسار ويمين **** ولا انت بعليها لو تقاويت قاوي

وأن جنبت امواجها والبراكين ***ماجنبت همومها والشكاوي

اقفت بروس الانبياء والسلاطين***لاجاملت معهم ولاهي بتاوي

تضرب بسيف وخشم حربه وسكين***فوق الكبود الغافله والكلاوي

من يومها تطبخ وتاكل ملايين ****وتمسي تحد الناب والبطن خاوي

قانونها يغلب جميع القوانين **** وهقواتها تغلب جميع الهقاوي


تحياتي

يالادمي لوطال عمرك على وين***لابد من يومن على القبر ضاوي

افطن ترى دنياك لعبة وراعين **** لو مدحوها بالامل و المناوي

الله على العيه صح السان ابوبدر مليوووون ولاهان

يعجبني فـ المحاوره وكذلك النظم هذا هو العملاق الجزل

فيصل بن منصور الرياحي

مروع الذياب بارك الله بك يالغالي

وتقبل افائق احترامي وتقديري

الله يعطيك العافية

مشكورين على المرور

صح لسان الشاعر

مشكور وماقصرت

عفوا يعطيك العافية

تقبل مروري