22-Nov-2003, 02:31 AM
وقفت أخيل البراق لين أتعبني الميقاف=وعادات البروق أكيد يتعب من يخيلها
وأنا ما مقصدي طربان للمرباع والمصياف=ولا هو حب في الديرة ولو سالت مسايلها
لكن البرق ذكرني بطلّة زينة الأوصاف=يشابه لونها والثعل ذكّرني جدايلها
وذكرني غزيز الوبل بدموعٍ تجي ذراف=من عيون العنا اللي من محاجرها تكحلها
وروس المزن لا ركّز تذكرني ثمان رهاف=تشابه مع بعضها ما تقال الاّ مفصلها
وقلبي يوم يضرب في قفص صدري قدم وخلاف=يذكرني رعود الوسم في ساعة تزلزلها
وأنا ما أخذت من بحر الهوى إلا قاعة المغراف=لكن الشربة اللي يمكن اغدي في حبايلها
سبايب جادلٍ لو جيت أوصفها يشيب القاف=يشيب القاف سد القاف ما نقدر نكملها
لها حسن الدلال فراش وايات الجمال لحاف=يا سبحان الله الخلاق كملها وجملها
أشاهد مخ يدها من ورى ملبوسها الشفاف=وأشوف الدم الاحمر يوم يمشي في مفاصلها
وأخاف أطوّل الشرح وتجي بعض البيوت خفاف=بيوت الشعر شرهتها على اللي ما يثقلها
وأنا أنقد قصيدي قبل لا تنقدني العرّاف=ولو أن العوارف يعذرون العالم الولها
فيلسوف الصحراء|4|
وأنا ما مقصدي طربان للمرباع والمصياف=ولا هو حب في الديرة ولو سالت مسايلها
لكن البرق ذكرني بطلّة زينة الأوصاف=يشابه لونها والثعل ذكّرني جدايلها
وذكرني غزيز الوبل بدموعٍ تجي ذراف=من عيون العنا اللي من محاجرها تكحلها
وروس المزن لا ركّز تذكرني ثمان رهاف=تشابه مع بعضها ما تقال الاّ مفصلها
وقلبي يوم يضرب في قفص صدري قدم وخلاف=يذكرني رعود الوسم في ساعة تزلزلها
وأنا ما أخذت من بحر الهوى إلا قاعة المغراف=لكن الشربة اللي يمكن اغدي في حبايلها
سبايب جادلٍ لو جيت أوصفها يشيب القاف=يشيب القاف سد القاف ما نقدر نكملها
لها حسن الدلال فراش وايات الجمال لحاف=يا سبحان الله الخلاق كملها وجملها
أشاهد مخ يدها من ورى ملبوسها الشفاف=وأشوف الدم الاحمر يوم يمشي في مفاصلها
وأخاف أطوّل الشرح وتجي بعض البيوت خفاف=بيوت الشعر شرهتها على اللي ما يثقلها
وأنا أنقد قصيدي قبل لا تنقدني العرّاف=ولو أن العوارف يعذرون العالم الولها
فيلسوف الصحراء|4|
