ابن سرحان الثبيتي لاهنت
عقاب العنزي13-Feb-2009, 03:59 PM
السلام عليكم
مرحبا بك يالثيبتي صاحبي في كل ساعه = قالوا انك شاعر الثبتان في سوق المعاني
دارت الايام وحظك جابك لشيخ اللكاعه = وش تسوي وانت منت حبيّب ولنت السناني
السواجي الروقي13-Feb-2009, 04:07 PM
الله الله
صح لساانك يااعقااااب مبدااا جزززززل
وننتظر الثبيتي
عقاب العنزي13-Feb-2009, 04:13 PM
صح بدنك يالروقي ولاهنت
وفي انتظار ابن سرحان
,,
فايز بن سرحان الثبيتي13-Feb-2009, 05:44 PM
انته اللي مرحبابك ضيفنا بين الجماعة = هذي اسلوم الرجال الطيبه قاصي وداني
إعرف الدرب السليم وخل مشيك بالوقاعه = عان عمرك ضاع مابين الدقايق والثواني
السواجي الروقي13-Feb-2009, 05:50 PM
ياااسلاااااام ياااسلاام يااابن سرحااان
صح لسااااااانك ملاايين وانا بصفك من غير قصوور بعقااب
فايز بن سرحان الثبيتي13-Feb-2009, 06:00 PM
السواجي الروقي
عساني ماعدمك
عقاب العنزي13-Feb-2009, 06:03 PM
البقا وهذا محلي قلتها بدافع قناعه = ماهو لخاطر فلان ولاهو لخاطر فلاني
الهنوف اللي تبث العلم من وسط الاذاعه = ضيقة بعض الصدور ودمرت بعض المباني ؟ !
عقاب العنزي13-Feb-2009, 06:03 PM
الروقي
لاهنت على المتابعه وبصف ابن سرحان عدك بصفي
تقديري
فايز بن سرحان الثبيتي13-Feb-2009, 06:24 PM
الليالي تدرج ياعقاب والدنيا وداعه = والقوانين امعروفه مار دور شي ثاني
والهنوف الساقطة ماهي بللهيلا طماعه = خلها تضحك على اللي ضيعتهم بالاماني
عقاب العنزي13-Feb-2009, 06:36 PM
انت شاعر ماتفرق بالثنيه والرباعه = افطن لهرجي قبل عشرتك لاترجع ثماني
الله اكبر ياديار الروس صابتها مجاعه = بعد مات الريّس اللي حافظ السبع المثاني !!
قادح شرار13-Feb-2009, 06:42 PM
علاك ابه يا أبو رياااااان لا يسري سليم ...
فايز بن سرحان الثبيتي13-Feb-2009, 06:44 PM
وانت شاعر ماتعدى فالشعر سن الرضاعه = وان بنيت البيت لاتنقض مبانيك الحساني
الحقيقه يا ابن عنزه ماهي مثل الاشاعه = كان لك عين تشوف ابها وتسمع بالاذاني
فايز بن سرحان الثبيتي13-Feb-2009, 06:45 PM
مرحبا يابو شرااااااااااااااااااار
مرحبا ااااااااااااااااااااااااااااا
عقاب العنزي13-Feb-2009, 07:02 PM
لو نبا نسمع كلام الناس ماارقبنا الرفاعه = ولا وصلنا في حدود الجدي وسهيل اليماني
كلمتك في وسط بير ٍ ماتشوف الناس قاعه = مير لايخطي لسانك دامني صاين لساني
فايز بن سرحان الثبيتي13-Feb-2009, 07:17 PM
صح لسانك يالعنزي
وابياتك هذي خير ختام
عقاب العنزي13-Feb-2009, 07:20 PM
صح بدنك يابن سرحان وتشرفت باللعب معك حقيقه
تقديري
,,
رفيع المنزل13-Feb-2009, 11:43 PM
صح لسانك ياعقاب ابدعت
لو نبا نسمع كلام الناس ماارقبنا الرفاعـه
ولا وصلنا في حدود الجدي وسهيل اليماني
كلمتك في وسط بير ٍ ماتشوف الناس قاعه
مير لايخطي لسانك دامني صاين لسانـي
ولايهون الثبيتي
السواجي الروقي14-Feb-2009, 09:36 AM
صحت السنتكم جميعا
امتعتوووووونا بهااطاااروووق
ولاهنتووو
زياد المزرمي14-Feb-2009, 02:33 PM
عقاب العنزي @@ ابن سرحان
صح اللسنتكم يا مبدعين
طاروق كايف
دمتم بود
عقاب العنزي16-Feb-2009, 05:44 PM
رفيع المنزل
لاهنت على المرور وابيض وجه
,,
عقاب العنزي16-Feb-2009, 05:45 PM
الروقي
صح بدنك يالغالي
تقديري
عقاب العنزي16-Feb-2009, 05:46 PM
زياد الشطيطي
يامرحبا ومسهلا وصح بدنك يالقرم
محمد شبيب السبيعي16-Feb-2009, 05:49 PM
صح لسانك ياعقاب ولسان ابن سرحان
تحياتي لكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
