وجهة نظر
القثامي20-Oct-2002, 07:27 AM
ياجماعه انا شايف ان اسم المنتدى لايمت لمواضيعه بصله ... :(
لاتزعلون علي وتحذفون العده ،، :D
انا قصدي اقول نبغا قصايد و قصص ابطالها من القبيله
ترى والله اجدادنا لهم تاريخ يرفع الراس،,,,,,,,
وهذا مايمنع من اضافة اي مشاركات اخرى بس زي ماقلت يكون
التوجه واحد عند جميع الاعضاء .
..
..
..
انشالله اني وصلت الفكره
:rolleyes:
العتيبي20-Oct-2002, 11:49 PM
مشكوووور
هذا يدل على حميتك
واهتمامك بالموقع
والهمة همتكم
نبغى نشوف مواضيع تهتم بقبيلة عتيبة و
لكن لا مانع من المواضيع المفيدة الاخرى
ابو وعيل21-Oct-2002, 07:26 PM
صادق .. بس الله الله نبي نننشر المنتدى
وان شاء الله فيك الخير والبركه.. انت والاعضاء الباقين
^المقاطي^28-Oct-2002, 02:09 PM
لالا مانبي منتديات ثانية
هذا وبس الثاني لونه يعمي العين
تركي العتيبي28-Oct-2002, 02:20 PM
السلام عليكم يا حوريه الموقع الي كتبتيه سئ للغاية انا اعتقد ان هذا المنتدى افضل منتدى للعتبان :D
العتيبي28-Oct-2002, 03:47 PM
السلام عليكم
والله انا اسف على التأخير اللي طول
لكن والله مالي عذر
وانا على طول امر على المنتدى لكن ما عندي وقت اكتب
وفي راسي مواضيع كثيرة جدا
بس انشاء الله وقت ما اكون فاضي
ولكن ان اوالله رفع ضغطي كلام الاخ !!!! "حورية"
يعني عشان هو مسوي منتدى عن عتيبة يجلس يسب في منتدى متخصص في قبيلة عتيبة بعد
اللي زيه يفرح بالشي هذا
وانا اعتقد ان اللون يناسب لون ارضنا وصحرائنا اللون اللي نعشقة
لكن بعض الشباب حب ان اللون يتغير الى الازرق المتدرج وممكن نحوله وعادي جدا
بعدين انت الاستايل حقك صراحة حلو شوي لانه شغل قلعة العرب المنتدى العريق وهذا هو الستايل الرسمي لهم
بس يا ليت يوم تحط منتدى تكون كاتب مواضيع مفيدة
وانا يشرفني اني اكون عضو في اي منتدى عن عتيبة
رغم اني مسوي هذا المنتدى وهو مجاني واقدر اسوي الف زيه بس وش الفايده اذا ما عبيناه مواضيع مفيده
بالعكس راح يكون عار على اسم القبيلة
لكن والله ما سزيته الا للفايدة وكنت متحمس ومجهز مواضيع مفيدة لكن اهملت وانشغلت
بعدين اذا خشيت منتدى بتسجل فيه وتتكلم زي كذا ياليت تسجل من مقهى ما هو من نفس الجهاز اللي انت تستخدمه عشان ما يعرفون انك شخص موجود قبل كذا ونفسك ............... ??? عارفين المقصود
بس تبغى تكون عضو حياك الله وان شاء الله تفيد وتستفيد سواء في هذا المنتدى او غيره
ارجو ان تكون نفسك طاهرة بس
اخوكم العتيبي
ذو الخمار27-Nov-2002, 06:54 AM
يا جماعه كم منتدي للعتبان؟
وحوريه ابدت رايها والمنتدي لازم يقبل التضاد شي صحي ويالعتيبي لايرتفع ضغطك سو مثلي لازهقت اكل بسكوت لبونجم بس يكون بارد والله ترتاح
ودمتم
ضيف الله01-Dec-2002, 07:06 AM
حلوين ياهل الهيلا حلوين حتى لو اختلفتم
والاختلاف لايفسد للود قضية
الى الامام
