الطارف الله يحييه
الحوووووت26-Jul-2009, 12:44 AM
السلام عليكم .....
سلام تسليمت(ن) تفتح 30 باب=تشيلها شيل وتكسر كوالينها
الذيب يقنب ويسري مع قنيب الذياب=وإلا العفاريت تجحر مع شياطينها
محمد النخيش26-Jul-2009, 12:50 AM
الله الله
وصح لسانك يالحوت
وبأنتظار الشاعر المقابل
الحوووووت26-Jul-2009, 12:56 AM
صح بدنك يابو غازي شرفنا حضورك ياأستاذي الفاضل لا خلا ولا عدم
معجب العتيبي26-Jul-2009, 12:58 AM
يامرحبابك عدد مابان برقٍ وغاب=ترحيبةٍ تطرد الفتنه وراعينها
اشوف برقٍ لمع قبل السما فالسحاب=والناس لاشافته تكثر تخامينها
عشقA26-Jul-2009, 01:03 AM
الحوووت & معجب الهيلا
صحت الألسن والقلوب...
تحياتي....
محمد النخيش26-Jul-2009, 01:14 AM
الله الله
يامعجب صح لسانك
متابعين ....
معجب العتيبي26-Jul-2009, 01:32 AM
عشق
ومحمد الوطن
نورتوا المتصفح
والمحاوره
صحة ابدانكم
الحوووووت26-Jul-2009, 02:27 AM
اسف ع التاخير لكن لاتصال ززززززفت العذر والسموحه
دام البقا والسؤال الي يبا له جواب=تروض الخيل عادي في ميادينها
انته تخيل البروق الي كتمهالضباب=هذا حسب حالت الطقس وعناوينها
عكاش26-Jul-2009, 02:52 AM
جاياك ماسكن شليلي ابرد عليك لكن سبقني معجب >>>>>>>>>> شكلك صدقت هههههههههههههه
بيض الله وجهك يالحوت ويامعجب
معجب العتيبي26-Jul-2009, 03:44 AM
يالحوت ماحدٍ يحاسب قبل يوم الحساب=لو يحكم الناس فالدنيا سلاطينها
ان كان ابه نفع ينزل فوق صم الهضاب=والارض تخضرّ عقبه ويحجب طينها
الحوووووت26-Jul-2009, 05:29 AM
يامعجب الفهرس الي في غلاف الكتاب=سجل شكسبير رقمه في قوانينها
السالفه اعتبرها مثل وصف العتاب=الي زرع ماجنا ثمرة بساتينها
معجب العتيبي26-Jul-2009, 06:41 AM
مافيه غير الكتاب المكتمل بالصواب=وحروف غيره مع الريح بتلاوينها
اللي يعرف الثواب يعرف مثله عقاب=والحق اله كلمةٍ بالحيل يازينها
الحوووووت26-Jul-2009, 10:36 PM
شف المترجم بعد ترجم حروف الخطاب=قادر على هيمنت هلتر في برلينها
الناس اللناس وانت ياعزيز الجناب=خلك بصف العرب واطلق مساجينها
معجب العتيبي27-Jul-2009, 12:41 AM
اللي يترجم وقصده ياعزيزي خراب=لازم يشكك عباد الله في دينها
الناس للناس لكن به عقاب وثواب=والناس ماتكره اللي عادلٍ بينها
الحوووووت30-Jul-2009, 10:57 AM
صح لسانك يا معجب وبيض الله وجهك تشرفت باللعب معك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
