عقاب العنزي .. للفايده منك

ياعقاب حان الوعد بيني وبينك تعال = عندي علومن تتبطي ماتناسيتها

ياعقاب عاين ترى جاتك ثعول الخيال = مار احتزم لاتقول القوم من صيتها

المعذره مانتبهت لطاروقك الا الحين


ياراعي العلم جيتك بعد جالك مجال = وانا ليا جتني الدعوات لبيتها


ترى الامور الامور بخير يابن الحلال = ياليت بعض السوالف ماطلعت بيتها

مافيه اي مشكله .. وانا بعد جاني شغل بسيط وتأخرت عليك


والنعم ياذيب ياللي من قروم الرجال = مار اسمع العلم لاتفرح بمنشيتها


لا اونست حر القوايل عان ظل الظلال = ازبن ترى مايجيك الضيم لاجيتها

ياعقاب ..

انا اشووفك تلعب طاروق ثاني ..

أجل الطاروق ذا لين تخلص مافيه اي مشكله

اللحين خلك مع العمده

حنا لاحقين على بعض إذا الله احيانا

على خير يالمقدام وشاكر لك اخلاقك العاليه


تقديري

يااصحابنا ماعليكم زود في كل حال = وانته لاجبت العلوم ولاانت وديتها !!

ياراعي الكلمه اللي لاحرام وحلال = (كل قوم تلقى الظلال الزين في بيتها )

علومنا عقب ماترغي هذيك الجمال = يوم إن بعض الجمال بهدرها اوحيتها

خلك مع العمده اللي ربطك بالحبال = ماعاد تدري بحيي القوم من ميتها

اعلومكم طيبه وفعولكم لاتزال = لكن مد الثمينه دام مديتها

ماتدري اني جبل راسي مابين الجبال = ياراعي الكلمه اللي ليتك اخفيتها

ياعقاب لامن وردنا فوق عدٍ زلال = كم قوم عن عدنا ياعقاب رديتها


انته جبل ياولد وايل بليا احمتال = لكن بعض الجبال احب تفتيتها