يالايمي بالخيل / للقسامي

بسم الله والحمد لله والصلاة والسلام على رسول الله وبعد

اخواني اعضاء هالمنتدى الراقي عامه ومحبي الخيل العربية خاصة

السلام عليكم ورحمة الله وبركاته


انقل لكم هالقصيده الرائعه لخوي ابو راكان القسامي

مدير منتدى القساسمه و صاحب مربط السنجر

( يالايمي بالخيل )

الله من قلبٍ مولع ومفتون // مولعه شقر المهار الاصايل

شقراً عليها من صفار الذهب لون // ومخلطٍ لونه بحمر النثايل

يالايمي بالخيل بالهون بالهون // لا يالسنافي كب عنك العذايل

للخيل حبٍ داخل القلب مكنون // احبها من حبها لتخايل

رمز الشجاعه والفخر كان تدرون // اقسم بها الرحمن منشي المخايل

الخيل فيها الخير ثابت ومسنون // وصى بها محمد وديع الرسايل

ومن عرض ما جاء في المثايل يقولون // الخيل عزن للرجال و شكايل

منها كسبنا معرفة كل دندون // اعيال الرجال اللي تشيل الثقايل

الطيب لهل الطيب ثابت ومصيون // وشعاد لو الوقت بالبعد حايل

تكفون يا اهل الخيل تكفون تكفون // لا تقطعون الوصل والشك زايل

عمر الفتى مابين داين ومديون // بين الرجال ولا تضيع الجمايل

من عاشر الطيب رقابه عن الدون // سندبه العليا وروس الطوايل

ومن عاشر الخيب يحده على الهون // ما يسقي الضامي سراب القوايل

ويا لايمي بالخيل بالهون بالهون // هذي الفوايد شاهدة بالدلايل

++++++++++++++++

واتمنى تعجبكم ولكم تحياتي

قصيدة جزله من رجل جزل والخيل امنية ولكن من يقدر على تكاليفها

والصراحة انه من المبشرات احتفاظ ابناء قبيلتنا بمرابط للخيل إلى الان
ومعروف الجعيد صاحب المدرسة في الطائف واليوم عرفنا ولد عمنا القسامي
وان شاء الله ان النشاما من زود في زود والخيل لها اثر على صاحبها مثل ما
لتربية الابل لها اثر وتربية الغنم لها اثر كما ذكر الرسول صلى الله عليه وسلم


تكفون يا اهل الخيل تكفون تكفون =لا تقطعون الوصل والشك زايل

عمر الفتى مابين داين ومديون = بين الرجال ولا تضيع الجمايل

من عاشر الطيب رقابه عن الدون = سندبه العليا وروس الطوايل

بيض الله وجهك وبيض الله وجه القسامي ..


قصيده اروع من الرائع


ولاهنت يالذيب
..

قصيده جزله



وياليت نشوف باقي مرابط خيول عتابه

ابو ضيف الله

مرورك وتعليقك هو الجزل الله يحييك

ولاشك ان لكل من ذا الحلال إلا ومؤثر على ملاكه

وكلن على شفه ومايحب امتلاكه , تحياتي لك

+++++++++++++++++++++++++++++++++++

محمد النفيعي الله يبيض وجهك يابعدي

مرورك شرفني كثيراااا وايضا تحياتي لك

+++++++++++++++++++++++++++++++

البريماني صح بدنك

واضم صوتي لصوتك ودنا نشوف باقي مرابط عتيبة الوقت الحاضر

وتحياتي لك

تحية طيبة للجميع

وعسى عيدكم مبارك يا عتابة

واسأل المولى ان يقبل منا ومنكم رمضان

.............................

$$$$$$$$$$$$$$$$$$$$

أنـآ أشهد أنه جزل ..


صح لسانه واعتلآء شانه وسلمت يمينك ..


ياليت تزودنـــآ بقصــآئده لآهنت ..

,,,

تحية طيبة للجميع

ولد عساف / عساك سالم يا بعدي

والجزاله والله مرورك وردك الجميل اما عن قصايدة فأغلبها قضايا اجتماعية

وله قصيدة بعنوان ( وصف الخيل والمرجله ) في المنتدى الراقي

وتحياتي

ونعم بربع السلات اهل خيل


صح لسان الشاعر وسلم الناقل