للشاعردليم الطر العتيبي رحمه الله

يابادعين القاف أنا ويش ابا اقول
ii واليا بدعت القاف كلاً يرده

وإن جيت أهاوي لي من البيض مجمول
ii واليا ورايه واحداً زاد وده

وان جيت أبرمي بذني كل ناجول
ii وإن جيت أسد الريع محدا ً يسده

وإن جيت أعدي مرقباً قلت مجهول
ii واليا ورايه واحداً باق جده

يا راكباً من عندنا كنسن حول
ii ما فوقهن كود القرب والأشده

مثل النعام الربد وإن راح جهجول
ii واليا عطاله رقة مسمهده

أسلم وسلم لي على الشيخ مقبول
ii شيخ الشلاوى اللي ورى الضلع قده

تلقاه في بيت كثير به الضول
ii ومشيداً كنه على فرع جده

وهوه كما عدٍ من البدو مدهول
ii أحدٍ قطن و أحدٍ نزل في مهده

وهوه كما سيفً من الهند مسلول
ii إليا هوى يفصم الضلع حده

طريحهم منا نشيله ليا الحول
ii وطريحنا منهم كلا الرمل خده

وحنا شبابه ناخذ الفعل بالدول
ii حبل يمدونه وحنا نرده

.........للشاعردليم الطر العتيبي
...............يرحمه الله
الموصوع منقووووووووووووووووووول

دليم الطر من ايا عتابه؟