لايا وجودي وجد من ون ثم ون =وخلي له بدار "من الناس خالي

هذه قصيده في دورة الايام وفي الناس الذين كانو بدو ثم اتجهو للمدن
واسمحو لي يمكن اطول عليكم شوي



الوقت يمشي والليالي يدورن
وقت(ن)يدور اوتاليته الزوالي

وحنا مع الايام من وين يمشن
نمشي على كف القدروالليالي

نمشي ولا ندري على وين ينحن
مايعلم ابها غير مرس الجبالي

يومن فرح وايام فوقك يجورن
هذا الدهر معروف باول وتالي

كم وحدن به سود الايام قفن
قفت به الايام لو كان غالي

وانا بحكم الرب راضي ومؤمن
راضي بحكم الله عزيز الجالي

اللي بحكمه صخر الأنس والجن
لعبادته في كل وقتن وحالي

واليوم أشوف الوقت بالحيل محزن
صاير مابين البدو شبه انعزالي

أحدن تياسرشرق وأحدن تيامن
واحد" جنوب وذاك روح شمالي

كل"تحضرى والبداوه لها من
من الذي يقدر يجاوب سؤالي

وين البيوت اللي منول نراهن
اتشوفها لاوقت في راسي عالي

وتشوفلك ذودن من العشب يرعن
اتشوفها في كل خبه وجالي

وانته بعالن والهبايب يهبن
يبعدهموم القلب ويصير سالي

ونار(ن) تولع قدم مالفجر يذن
نار(ن)حطبها سمر يشعل شعالي

نار(ن)يولعها شجيع"على فن
عودن شجيع اشيل كل الثقالي

وليا وقدها قرب الهيل والبن
وقرب غواريته وصف الدلالي

واركا دلاله فوق ناره يفيحن
وصلى لجل منش المطر والخيالي

صلى صلاةن صادقه ثم تسنن
ولفوه ربعه وابتدأ بالتهالي

ثم اقلطو في مجلس"فوق بين
مايقلطون الا كرام السبالي

مهوب مجلس راعي الحكم والصن
اللي من الوالي عليهم ظلالي

ثم قدم الفنجال الأول لليمن
فنجال"ايداوي كبود الرجالي

فنجال اله صبه على القيس توزن
يازن له اللي فاهمن بالعدالي

وسولف وكلن ساكتن ويتيقن
مايهرج الا لين يات المجالي

سوالف(ن)للجرح والهم يبرن
جزله ولافيها هروج(ن)هزالي

في ذمتي يومين منهن يساون
اكنوزكم يامجمعين الريالي

لكن وقتن دار وايام مرن
وقتن يدور وتاليته الزوالي

واناوجودي وجد من ون ثم ون
وخلي له بدارن من الناس
خالي

على الليال الماضيه لو يعودن
بسباب وقتن تالي العمر مالي

هذا هواي بدون شكن ولاظن
هذا هو منايه وهو شف بالي

لكن مالي غير بالقاف الحن
وأطلب ثواب اللي ولاكل والي

وختامها صلو على خير مؤمن
اعداد ماهبت عجاج الرمالي[/quote]

الله الله

صح لسانكــ ياعناد


مبدع


لاهنت

صح بدنك والله لايهينك