مرثيه في عمي الشيخ فياح بن هاجد العضياني رحمه الله

نعزي أنفسنا ونعزي أبنه الشيخ بندر بن فياح وأخوانه

وهذا أقل مايمكن ان يقدمه الشاعر وان القلب ليحزن وقد هزتني سيرته العطره رحمه الله منذ أن كان يافعاً
حيث نشأ على طاعة الله ونرجو من الله ان يكون من السبعة الذين يضلهم الله في ظله يوم لاظل الا ظله ( ومنهم شاب نشأ في طاعة الله)
ولايخفى على الجميع اعماله الطيبه لقبيلة عتيبه كافه من سعي للصلح بين المتخاصمين او السعي في عتق الارقاب او الدفاع عن المستضعفين والوقوف معهم واعماره للمساجد وكرمه اللامحدود


والقصيده قليل في حقه نسأل الله ان يغفر له ويسكنه الفردوس الاعلى ويجمعه بأخوانه أبناء هاجد فالجنه انه ولي ذلك والقادر عليه ..





القلـب حـزَن والمدامـع هميلـي =والله مالـوم اللـي عيونـه هماليـل
علم ٍ لفانـي عصـر وأنهـد حيلـي =قالـو تـرا فيـاح يطلبـك تحليـل
الشيـخ فيـاح الكـريـم النبيـلـي =عمي ونفخر به لجيـل ٍ بعـد جيـل
مرحوم ياشيخ ٍ كسـب لـه جميلـي =صفحة بياض ٍ ماخلط صبحهـا ليـل
مرحوم ياشيخ ٍ كسب لـه حصيلـي =كل العلـوم الطيبـه لـه محاصيـل
مرحـوم ياشيـخ ٍ لربعـه دليـلـي =فالمعضلات وكـل ماحـل تشكيـل
مرحـوم ياشيـخ ٍ ولا لـه مثيلـي =سيرة شرف يفوح من عطرها هيـل
ميـزان حـق وللعدالـه يميـلـي =ريف الضعوف اللي شكو من غرابيل
مايقبـل النمـه وقــال ٍ وقيـلـي =ولاتسمـع الا ذكــر لله وتبجـيـل
صديقه المصحـف ونعـم الخليلـي =ويناجـي الله بيـن سجـده وترتيـل
جمع مكـارم مدرسـة كـل جيلـي =عساه فالفردوس بستـان و(ا)نخيـل
الحمـل يابنـدر عليـكـم ثقيـلـي =وأنا اشهد انك كفو للحمـل وتشيـل
فيك البقـا لعـل عمـرك طويلـي =وعساك تسلم من صـدوف المقابيـل



اخوكم ماجد عبدالكريم العضياني

ابدعت ياماجد

في تصوير مآثر الفقيد رحمه الله وأسكنه الجنه

قصيدة كتبتها من قلبك ووصلت الى قلوب الجميع

الله يتجاوز عنه وعن كل امواتنا

الله يرحمه ويجعل مثواه الجنه ..

وبندر خير خلف لخير سلف ان شاء الله

صح لسانك يابن عاضي والله لايهينك

..

فهد الزهراني


بارك الله فيك ولونكتب الكثير والكثير لن نوفي الشيخ حقه


شاكر مرورك العطر والراقي

الله يرحمه ويجعل مثواه الجنه ..


صح لسانك يابن عاضي والله لايهينك

الله يرحمه واموات المسلمين الشيخ فياح من الرجال الي فيهم خير والله يحسن عزاهم

هايل


صح بدنك والله يقبل الدعاء وشكراً على المرور

ابو شوق


امين وصح بدنك