السعة

مع التحية لكل من مر هنا

واعتذر علي قلة الحضور

وإليكم هذه المشاركة



حنا مع الخط عنانا مواترنا = دايم مع الخط وهيه رايحه جايه
نمشي مع الدرب ونوسع خواطرنا = غير السعة ما لنا مقصد ولا غايه
نمد مع ديرة(ن) شرحة نواظرنا = مع صحصح(ن) يوم تبرح ماله نهايه
أخير من شوفة اللي ما يقدرنا = امناه فرقاي له وفراقه منايه
على وجيه القشر ما الله بجابرنا = كفايه مجاملة ومداهن كفايه
ولا يمكن ندور اللي ما يدورنا = والمقفي من العرب خله على اقفايه
و المشي مع بعض خلق الله يوخّرنا= بل يعتبر ذنب فوق النفس وجنايه
أرواح للي بقول الله يذكرنا = تلقاه يقرا الحديث ويتلو الآيه
شيخة هل العلم فالدنيا تبصرنا = ما هو بمن شيخته تزييف ودعايه
اللي ليا جاك قال أربع مفاخرنا = ختمي وبشتي وباكوري ومركايه
وشوفوا لنا مشكله يا من يبشرنا = وإن كان ما هي كبيرة حطوا أوفايه
أهم شي إنها للناس تظهرنا = نبا نسوي لنا عند العرب رايه
وشوفوا لنا شاعر(ن) منكم يطيرنا = وعطوه قدام يمدح علم و اوصايه
وشوفوا قناة(ن) ليا جينا تصورنا = اليوم حب الظهور الدايم اهوايه
سوايره ما توافق مع سوايرنا = و لا يمكن إنا نخاوي واحد(ن) تايه
واليوم هذي مع العالم تعذرنا = وتوكّد إن السعة لي مقصد وغايه
شعر / فلاح بن مرشد بن خلف الزراقي

لا هنت ياكحيلان ولا تحرمنا تواجدك ولا حضورك المتميز دمت اخوك صارم عتيبه

صح لسااااااااااااااااااااااااانك