المناوّي ,

انا للي مانويت ابني وراء سود البيوت بيوت=انا في منزلاً ماتأصله فوق النداويّه
ليا هزت مناكبها تبي لمشوهقاً مصُلوت=تبي فوقه تبات وترتفع الراس الرهاويه
وقمت بعالي العلياء مقامي والرعود سكوت=اوازي مزنها منزال لو كانت سماويه
بلد عزي بناه الله حفظني والليال سبوت=على شهب الحزوم الظاميه وشموسها الحيه
كساني فوقها غار البشوت الضافيات بشوت=كساوى الغناه اللي تمناها الغناويه
وصلت من البحور الخضر غبات سكنها الحوت=وأخذت من المنازل درها مثني ومثنيه
على راس الردي غاري على راسه يفوت الفوت=ليا زانت له ايامه رقد في بارد الفيه
اذا ما شوت في وجه الرداء كوم الرزايا شوت=فلا عندي تصور للخطاء من صالح النيّه
اشوته وان ذلف ولا وطيته بالقدم والبوت=كذا مال الردى عندي مقام وحالته سيه
شطبت اللاعب اللي يحسبن للعبته كبوت=علّي وقام خسران الوصول النقطة الميه
على كرت الدخول اللي يشيله من ثمان كروت=حذفت الرقم لجل يصير لاهذي ولا ذيه
يعيش الضبق والحال البخيل وسكت المروت=حياة كلها هاللون فاروحات والجيه
غفل عن كل شيئاً في حياته والحياه بخوت=يقوله والهموم يقول تال العمر منسيه
هوى عقلاً تهشم في رضاه العاجز المكبوت=يسوق الناقصه مملوكته ماغيرها شيه
انا مانيب ربه والهوى يسري بوسط خبوت=يجي شرقي وغربي وجهته بالحيل عاديه
لكنه لاجتول تحت المحاني طار منه الكوت=كذا بعض القلوب للروسها مافيه ماويه
ياليت الكل قلباً مثل هذا في يدي ريموت=اديره حيث اشاء وعدله سر وعلاينه
لكني بنصحه وعلمه من نصي المثبوت=كتبته واعتبرته خير مرسوماً بمطويه
متى ماجيت ياسبع الخلا لين السباع صموت=ترى وحي الصموت بحالة الجوعان ماريه
نخاف من المراجل مابقيلك غير مثل الموت=عليها تنكوي نفس الشجاع ولقمته نيه
تموت اما قدرت الطيبه معنى وقوت صوت=ولا دركت الكرامه في حجاء الروح السنافيه



بجآد أبوديه

..

.

لله دركــ وصح لسانك
قصيده جزله وغير مستغربه يابجاد
...

مرزوق الحمدان العتيبي شرفني بمرورك تحياتي لشخصك الكريم

صح لسانك يالغالي الله يعطيك العافيه على القصيدة الريعه مثل روعت صاحبها

صح لسانك يابو محمد على القصيده الطيبه

والله يعطيك طالت العمر

تقبلوا خالص تحياتي
أخوكم/سعد

ابن حشيان ونعم شرفتني بمرورك

الاخ العزيز ابو مطلق سعد المقاطي مرحبا شرفتني حقا انت حقيقه علي عزيز وفي عيني كبير

صح لسانك صح لسانك

شاعر برقا مرحبا شرفتني بمرورك