سلطان الجلاوي وصقر سليم ان عودت للشعر دقنك والشنب تحت المقص

السلام عليكم ورحمة الله وبركاته

طاروق بين الشاعرين

سلطان الجلاوي و صقر سليم

أعجبني للأمانه وحبيت كتابته هنا :)

سلطان الجلاوي

سلام تسليمة وفاء تمشي على حبه ونص=تمشي على حبه ونص ومشيها فيه بركه
الليله انته ياصقر مسجون في داخل قفص=ماينفعك ياشاعر السلمان كثر الدربكه

صقر سليم

يامرحبا لكن مشيك لو يزود ولو نقص=لو كان تسري من مسيحه ماتصبح مدركه
اما عن التقدير قدرك يالجلاوي مابقص=وان كانها بالشعر خشمك يالجلاوي نفركه

سلطان الجلاوي

صقر البقيلي لو قنص يرجع وكنه ماقنص=ماصاد حتى ياوجيه الخير لو كان سمكه
ان عودت للشعر دقنك والشنب تحت المقص=لاتحسب ان الشعر ياصقر البقيلي شكشكه

صقر سليم

الصيد لو اني رميته من مكانه مابحص=والا السمك لو كان يسبح فالشواطي نتركه
قلوبكم فيها مرض وعيونكم فيها غمص=واطلق شنب منكم يجي ونحط راسه فشركه

سلطان الجلاوي

انته تحرا للفرص لكن ماحاصل فرص=واللي مايصلح لك على قول الرياجيل اتركه
اجنوبكم فيها جرب وشدوقكم فيها غرص=واللي يجي منكم نبا ندخله في وسط شبكه

صقر سليم

ياولد مشيب قبل هذا الليل ياكثر القصص=قدام لانكشف ملفك خل عنك الحكحكه
بعض المعاني يالجلاوي كنها ضرب الخوص=احسب حسابك يالجلاوي لاتجمرك جمركه

سلطان الجلاوي

صحيح ياكثر القصص مار البقيلي ماختلص=لا شافنا راح كمكه لو كان ماهو بكمكه
محصان لو علم محص ماكان ضواها محص=والكيف للي يشربه والقرص للي يعفكه

صقر سليم

بلاك ماتدري وش اللي يدخلونه فالقلص=ذكرتني باللي طرد عنتر نهار المعركه
لا بالله الا منت مفلح بعد شيطانك رقص=وشلون تعطي شيء وانته فالاصل ماتملكه

سلطان الجلاوي

ماينطبق قولك عليّه ياصقر لكنك اص=الفعل للي يفعله والدبك للي يدبكه



*ما عندي اي معلومات عن الحفله ,
لكن أتوقع أنها بـ أيام العيد لأن المقطع جديد :)


بـ أنتظار ابو فايح :rolleyes:

اجنوبكم فيها جرب وشدوقكم فيها غـرص
واللي يجي منكم نبا ندخله في وسط شبكه


إبداع أبو صاهد غير مستغرب

صح إلسانه
ولايهون أبو مشعااااااااب

صح لسان ابو صاهد وصقر سليم

محاوره رائعه ابدعو فيها

لاهنت يا سيف ع النقل ياسنايدي

محاورة فيها من التجديد الشيء الكثير

محاوره جيده في مستواها العام


الجلاوي بدأ بداية ممتازه وقل مستواه في باقي الطاروق ولكن ذلك لايفسد قدرته


صقر سليم كان متماسكا وأظهر صوراً رائعةوأخذ يجاري سلطان على راحته



ودي واحترامي

صقر سليم هو شاعر سليم ويستاهل

وابوصاهد من تطور في تطور

أعجبني رد صقر سليم

يامرحبـا لكـن مشيـك لـو يـزود ولــو نـقـص
لو كان تسري من مسيحه ماتصبح مدركه
امـا عـن التقديـر قـدرك يالجـلاوي مابـقـص
وان كانها بالشعر خشمك يالجلاوي نفركه


كذلك لصقر سليم

لا بالله الا منـت مفلـح بعـد شيطانـك رقــص
وشلون تعطي شيء وانته فالاصل ماتملكه


صقر سليم شاعر جيد وعنيف

والجلاوي شاعر لايشق له غبار

صقر سليم شاعر علم يعتبر من كبار الشعراء


الجلاوي جيد

صقر سليم شاعر بمعنى الكلمة لاتجد في البيت اي ضعف وفتل ونقض على طريقة الكبار

سلطان في كل يوم افضل لاهنت على النقل ياسيف

أرى أن صقر شاعر جيد ولكن أخذ أكبر من حجمه لماذا !! لا أعلم ..



الجلآوي هنآك تطور ولكن أتمنى منه أن يهتم في تركيبة البيت كثيرا وطرق المعنى بصوره رائعه ..



أشكرك أخوي سيف السليس ..



تحياتي