هاض الضمير

هاض الضمير وهيضه زايد الشوق
شوقن يهيض مهتوين الطروقي٠

شوقن يهيض كل عاشق ومعشوق
اهل القلوب اللي توالف ابشوقي٠

والشوق لولا القلب ماصار أله سوق
يبور لويعرض على ألفين سوقي٠

وانا على شوف المحبين مطفوق
وأشفق وأغني مالحقني احقوقي٠

غنيت من زين الطواريق طاروق
طاروق من فيض المشاعر اوذوقي٠

شاعر وقلبي من هوى البيض مفتوق
مفتوق فتقن معه وسمة احروقي٠

تكفون يابرقا وتكفون ياروق
حماية التالي نهار اللحوقي٠

ياعتيبه الهيلا هل الخيل والنوق
يافزعة اللي ساقه الهم سوقي٠

الهم في صدري مشاهيبه اتفوق
هم الكسير اللي تزايد ابعوقي٠

همن سرق حالي وخلاه مسروق
همن منه يغمى عليه وافوقي٠

والعين من كثر السهر عيت اتذوق
حلو المنام اللي سهر عنه موقي٠

سبة وليفن طوق القلب لي طوق
طوقني المجمول بالحب طوقي٠

راع العيون الناعسه نعسن بضوق
والخد برقن من ملاحه يشوقي٠

ابو جديلن فوق الامتان مفهوق
والخصر ضامر وايتمايل بضوقي٠

ان اشهد انه تلتل القلب برفوق
من اقصى الضلوع العوج تل العروقي٠

تكفون يابرقا وتكفون ياروق
همي منه يغمى عليه وافوقي٠

الشاعر / سعد بن قميشه

لاهنت على النقل الجيد

لا تحرمنا تواجدك الجميل


ودي واحترامي