ماجد الهذلي اقلط ولاتهون

السلام عليكم ورحمه الله وبركاته

تحيه للمنتدى الرائع والنشط

واحب ان ابدا مع الشاعر ماجد


ابتدا يوم الشقا وابتدا قدح الزنود
وانت رجال تعرف الصوادر والورود
قابلك منصور والعود في عين الحسود
والثنى والحمد لله رب العالمين


النعامه كساها الريش مثل الصقور=لكن الله عطا كل على مقدره
ماتثمن غوالي طيبات البخور=كود لاطاحت الكسره على المبخره

بداية رائعه يا منصوووووووووور



وانا انتظر الهذلي >>>>> جاكم جاكم


وين الصفوووووووووووف
وانا في صف الهذلي ما فيها كلام

شاكر على مرررررررررررررورك يا المسري

أبو زيد أعذرني على التأخير كنت مشغووول

أستلم لا هنت


جيت يا أبو زيد ما عاد فالدعوى هموم
وأبتدينا وأنت شاعر تبا تجيب العلوم
والحسود يموت ما يقدر يعد النجوم
والثنى والحمد لله رب العالمين



النعامه فصيله من فصيل الطيور= بعد جاها الصقر تمسي على المقبره
أعرف النخل يثمر طيبات التمور= جيت أبا أرقى النخل والنخل من يحصره

هلا بالمسري

وجودك شرف للمحاوره

تحياااتي

..

منصور وماجد ..
عفاكم الله ياشعار
واصلوا والله يقويكم
..
وحنّا متابعين .

منصور وماجد الهذلي


تحياتي لكم وووواااااصلوا وحنا متابعين ياغالين.

يعطيييكم العافيه على المرور ومسموح يا ماجد


لعبه الشطار يلعب عليها الشاطري
نوب اعدك قدها نوب تكسر خاطري
ماعرفنا طب للجرح ولا بيطري
والثنى والحمد لله رب العالمين


تبا تاكل التمره على وقت الفطور=وانا قاطع الساقي ولافيه اثمره
ياماجد ترى كل معه حس وشعور=لكن المعاني لاتعود ثرثره

مرزوق فيصل هلا والله بالغالين

أستلم يا أبوزيد


أنت يامنصور أثبت على درب الثبات
كان منته ثابت أقول لك روّح وبات
وأجمع علومك بعد راحت علوم شتات
والثنى والحمد لله رب العالمين


بعد ذقت المراره ماش حولك سرور = كان منصور ما توب نجيب خبره
لو سنك ضحك لا شك دمك يفور = والخطر لا تجي له بعد شفت أخطره

ياصحيبي عملتك لاحرام ولاحلال
وانت رجال اجودي لو تطول بالجدال
والحمول الكايده مالها غير الجمال
والثنى والحمد لله رب العالمين


نتوب الرضا الله والي الخلق الغفور=وانت تبني جدار وجاك من يدمره
البنادق تثور والمدافع تثور=تخير حداها والغمر ما نجبره

العدود الصافيه تروي الضامي زلال
وأنت يا منصور شغلك معي روح وتعال
مير ابا أعدلك حتى تعرف الأعتدال
والثنـى والحمـد لله رب العالميـن


الجدار أنبنى والبيت ساس معمور = كل ديكور يا منصور بالمسطره
أنت في نعش ومروّح لذيك القبور= لو تمنيت شي العمر لا تخسره!!

نسمع الخطبه وحنا على درب الامام
وانت رجال تصلي ولا حولك صيام
مير هون ياصحيبي ترى نارك سلام
والثنى والحمد لله رب العالمين


تمادا ولدنا تايه وفيه الغرور=تمشى على درب الخطر مايقصره
ياماجد تهدد وانت للحين مكبور=ياجسر على الطرقه كل من يعبره

أبو زيد أضبط الوزن راجع بيوتك من أول بيت


أنت يا منصور مولود في ليلة شباط
تحت شجر السدر مدري تحت ظل الحماط
من داري عن حروفي ولا شايف النقاط
والثنى والحمد لله رب العالمين


إن بنينا بيوت نشوفكم فالقصور = أسبر الضلع وألا جعل ما تسبره
البضايع تعدت في طريق العبور= وانت موتر يبا يمشي بعد ننقره

صح لسانك ياماجد الهذلي ومنصور ال زايد والله يعطيكم العافيه واصلوووووووووووو.