انخاك ياجزيان واعطيك صوره

البارحه يوم السما ضاع نوره
واقبل عتيم الليل جتني هواجيس
دارت هواجيسي ثمانين دوره
وصارت عليه مثل هم المحابيس
وأنا همومي بين قلبي وسوره
ما أضهرتها للأهل الوجيه المفاليس
مير البلا وقتي تطاول بجوره
وخلاني اصبح بين هم و وساويس
واسندتها رجلأ تعدى شبوره
شبور دنعين الوجيه المعابيس
من روس ربعي يوم بالدم فوره
عتيبه الهيلا حمات المتاريس
ربعي يومن الوقت موت وخطوره
يقفون يوم أن المعارك مقابيس
يابوصنت والوقت بين حدوره
لاليل نرقد وان رقدنا كوابيس
انخاك ياجزيان واعطيك صوره
فيها عتيبي مبعدن بالمراميس
يبي قرار النقل يسمع صدوره
ويرتاح من كثر العنا والهواجيس
والمعذره والقاف بأخر سطوره
والصبح طل وجاوبته النسانيس


اخوكم تركي العطاوي

صح لسااانك ياتركي ... وعسى الله يحقق لك ماطلبته :)

*·~-.¸¸,.-~*صح بدنك ومشكور على مرورك الاكثر من رائع *·~-.¸¸,.-~*

انخاك ياجزيان واعطيك صوره
فيها عتيبي مبعدن بالمراميس


تكفا ياجزيان افزع لمن نصاك ورد العتيبي صح لسانك يالعطاوي والله يوفقك تقبل تحياااتي

صح بدنك يا طلال ومشكور على مرورك الاكثر من رائع

صح لسانك ياتركي العطاوي وبيض الله وجهك

صح بدنك يالعطاوي وجهك ابيض

ــــــــــــــــــــــــــــــــــــــــ

صح لسانك والله انه يشوش راسي بوم اشوف اسم العطاوي

صح بدنك الله يبعد عنك التشويش هههههههههههههه

صح لسانك والله يحقق مطالبك ...


ومثل ماقال النفيعي ...:)

صح بدنك يا مشاري الله يكتب الي فيه الخيره انتظرنا والصبر طال بس الله يعين