اقرب شاعر
راشد النفيعي04-Aug-2016, 09:00 PM
المعمم نيته يهدم حرم مكه وطيبه=قالها حيدر عميل الفرس والبيرق سعودي
ناد لي ربعك سباع الضلع واعتز في عتيبه=وجيب سيفك والقنا والترس والبيرق سعودي
فارس المورقي04-Aug-2016, 09:45 PM
صح لسانك واعتلا شانك
متابع
راشد النفيعي04-Aug-2016, 09:54 PM
صح بدنك شاعرنا فارس ونتشرف في متابعتك
ماجد بن واكد04-Aug-2016, 11:40 PM
المعمم عالم رب الملا غيبك وغيبه
كيف جبت السوس وَيَا الضرس والبيرق سعودي
يامدور عن عتيبه العتيبي وش تبيبه
منته مدرس بفصل ودرس والبيرق سعودي
راشد النفيعي05-Aug-2016, 06:32 AM
احترق قدر العجوز اللي على النار اللهيبه=واهرجت بعد الصمم والخرس والبيرق سعودي
لابتي واعتز فيهم لاعوا ذيب لذيبه=وانت خلك خادم البيبرس والبيرق سعودي
سعود بطيحه05-Aug-2016, 04:29 PM
ياسلام الله يعطيكم العافيه ؟
راشد النفيعي05-Aug-2016, 04:38 PM
راشد النفيعي05-Aug-2016, 04:44 PM
الواكد الله يهديه خرب المحاوره
رماله ببيت وانحاش ماعاد شفناه من امس مادخل المحاوره
راح ارد على بيتي ببيت وانهي محاورتي معاه
ياسباع الغابه اللي مع محانيها سريبه=النمر ماهو سوات الطرس والبيرق سعودي
الزمان يدور والجاهل يبي يلقا نصيبه=لوصبغ بالدم سود الفرس والبيرق سعودي
ماجد بن واكد05-Aug-2016, 07:59 PM
تو ماجيت ونيتي العب عقب تسع
تعرف المشاغل اليومية عند الجميع
لكن بيوتك ماتظهر عندي
لو تكتبتها من غير تنسيق لاهنت
ماجد بن واكد05-Aug-2016, 08:00 PM
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
