03-Dec-2005, 03:28 AM
بسم الله الرحمن الرحيم
هذه مساجله بين عبدالله بن نايف ونجرفيصل والكل منهم غني عن التعريف’
البادي عبدالله يقول
يانجراناحاولت اجنب هوا الغيد == وعيت يدي لاتنطلق من شعفته
وعمرتله بالنفس يانجر تخليــد == لعلي اقضي مابقا من حسفـــتـه
اثرالعرب معهم من العلم تاكيد == عودٍكسا ماتنتعدل اهدفــــــــــته
وبالصدفه الي ماسبقهامواعيد == وفالموقف الي ليتني ماوقفــــته
عرضة شناح الطول مسلوبة الجيد== اليبهامن قايد الريم لفـــــــــته
يانجر عادتلي ليال التواديـــــد == واحيت ابقلبي ذكرياتً شعفــــــته
ومن عقبها ذقت العناوالتناكيد == وسهر اليال الي يطرا عرفـــــته
واليوم ابرفعلك من العلم تسنيد == حيث ان رفع العلم يبرد احسفته
يالشاعر الي ماتدوس المناقيد == وصرح الكرامه معتليً في شرفته
ويومني اسندلك وافندك تفنيد == قدام ذا جربت غيرك وعفـــــــته
ماتنتنوخ للحمول المفاريــــد == وجنيف انا وش حاجتي في جنفته
يانادرٍ مافي هداده تصاديـــد == فعله ينومسني لوني كتفـــــــــته
مانت بهذاك الي ليازراعن الصيد==عودعلى راعيه ينقل علفــته
وانا ادري انك يانزيه المواريد == فنجال عذري الهوا قد رشفته
وعشقك وعشق الفاضلين المحاميد==الي حصيله مايلادي كلفته
وانالياجت من طرفك المراديد == اما هجرت العشق والا ردفته
واقبل تحياتً مع إطلالة العيد == بلي عليك من المكارم عطفته
واغلا نقودٍ سيق ماراح بزهيد== لولا البضاعه غاليه ماصرفته
رد نجر
حلو الهدايا من يدين الاجاويد == يمنى الكريم الي بصطلي إصحفته
عبدالله اسندلي من الشعر تمهيد== لبس الشرف عيدتبه والتحفـــــــته
واختصني من بد كل القواصيد == قصده يعبر عن اظروفً إصدفــته
هجتني فاخر صيامي مهاجيــد == واشتلت حملن فوق متني نسفــته
شكا علي وزادني منه تعقـــيد == رايً يناسبني ورايً حذفــــــــــــته
راي الهدا يامجرد السيف تجريد== كمل على مشوارك الي نصفــــته
والحب قبلك ساق عنتر وابازيد == وانته بعدهم يابن عون استضفـته
ورقيت فوق وفي سنامه مجاويد== وبنيت له صرحٍ رفيع وسقفــــــته
ذكرتني بالي جرالي تراديــــــــد == عهدٍ من الماضي وحلفٍ حلفــــته
والله ماخبرلك عن الحب تجليد == و لو عنه يوجدلك علاجً وصفــــته
والياحصل فيضة ربيعٍ وتجديـد == زان الطرب والي تبى العين شفته
وانا ثلاث سنين لانقص ولازيد == ارخيت في حبل الشداد وجعفــــته
قالو علامك قلت ياربع ماريــد == يوم الهوا دشوه ناسٍ اعسفـــــته
والأنت حبك معتليً فوق وبعيــد == في راس عيطاً ثابته ماشطفـــــته
واخفيت خافيها على زيد وعبيد == والا ترا مافيه ذنب اقترفــــــــــته
مانته بعارضها لرماي واقعيــد == وخبلٍ على النمه تزايد ارجفـــته
والناس فيهم طيبين ومقاريـــد == الي يدق الصيخ والي يعفــــــــــته
وانته وانامشوارنا يقطع البــيد == شوفي بعيد ومركز الخوف طفته
جنبت عن عرعر وحزم الجلاميد== واجنيف ماعرف قوته من ضعفته
وياوسع نجد الياعطيت الجراهيد== والتمر يعرف طيبه من إحشفــته
ويالي على تعمدالعلم تعمــــــيد == الراي جاك وسرها ماكشفـــــــته
وسلامتكم
هذه مساجله بين عبدالله بن نايف ونجرفيصل والكل منهم غني عن التعريف’
البادي عبدالله يقول
يانجراناحاولت اجنب هوا الغيد == وعيت يدي لاتنطلق من شعفته
وعمرتله بالنفس يانجر تخليــد == لعلي اقضي مابقا من حسفـــتـه
اثرالعرب معهم من العلم تاكيد == عودٍكسا ماتنتعدل اهدفــــــــــته
وبالصدفه الي ماسبقهامواعيد == وفالموقف الي ليتني ماوقفــــته
عرضة شناح الطول مسلوبة الجيد== اليبهامن قايد الريم لفـــــــــته
يانجر عادتلي ليال التواديـــــد == واحيت ابقلبي ذكرياتً شعفــــــته
ومن عقبها ذقت العناوالتناكيد == وسهر اليال الي يطرا عرفـــــته
واليوم ابرفعلك من العلم تسنيد == حيث ان رفع العلم يبرد احسفته
يالشاعر الي ماتدوس المناقيد == وصرح الكرامه معتليً في شرفته
ويومني اسندلك وافندك تفنيد == قدام ذا جربت غيرك وعفـــــــته
ماتنتنوخ للحمول المفاريــــد == وجنيف انا وش حاجتي في جنفته
يانادرٍ مافي هداده تصاديـــد == فعله ينومسني لوني كتفـــــــــته
مانت بهذاك الي ليازراعن الصيد==عودعلى راعيه ينقل علفــته
وانا ادري انك يانزيه المواريد == فنجال عذري الهوا قد رشفته
وعشقك وعشق الفاضلين المحاميد==الي حصيله مايلادي كلفته
وانالياجت من طرفك المراديد == اما هجرت العشق والا ردفته
واقبل تحياتً مع إطلالة العيد == بلي عليك من المكارم عطفته
واغلا نقودٍ سيق ماراح بزهيد== لولا البضاعه غاليه ماصرفته
رد نجر
حلو الهدايا من يدين الاجاويد == يمنى الكريم الي بصطلي إصحفته
عبدالله اسندلي من الشعر تمهيد== لبس الشرف عيدتبه والتحفـــــــته
واختصني من بد كل القواصيد == قصده يعبر عن اظروفً إصدفــته
هجتني فاخر صيامي مهاجيــد == واشتلت حملن فوق متني نسفــته
شكا علي وزادني منه تعقـــيد == رايً يناسبني ورايً حذفــــــــــــته
راي الهدا يامجرد السيف تجريد== كمل على مشوارك الي نصفــــته
والحب قبلك ساق عنتر وابازيد == وانته بعدهم يابن عون استضفـته
ورقيت فوق وفي سنامه مجاويد== وبنيت له صرحٍ رفيع وسقفــــــته
ذكرتني بالي جرالي تراديــــــــد == عهدٍ من الماضي وحلفٍ حلفــــته
والله ماخبرلك عن الحب تجليد == و لو عنه يوجدلك علاجً وصفــــته
والياحصل فيضة ربيعٍ وتجديـد == زان الطرب والي تبى العين شفته
وانا ثلاث سنين لانقص ولازيد == ارخيت في حبل الشداد وجعفــــته
قالو علامك قلت ياربع ماريــد == يوم الهوا دشوه ناسٍ اعسفـــــته
والأنت حبك معتليً فوق وبعيــد == في راس عيطاً ثابته ماشطفـــــته
واخفيت خافيها على زيد وعبيد == والا ترا مافيه ذنب اقترفــــــــــته
مانته بعارضها لرماي واقعيــد == وخبلٍ على النمه تزايد ارجفـــته
والناس فيهم طيبين ومقاريـــد == الي يدق الصيخ والي يعفــــــــــته
وانته وانامشوارنا يقطع البــيد == شوفي بعيد ومركز الخوف طفته
جنبت عن عرعر وحزم الجلاميد== واجنيف ماعرف قوته من ضعفته
وياوسع نجد الياعطيت الجراهيد== والتمر يعرف طيبه من إحشفــته
ويالي على تعمدالعلم تعمــــــيد == الراي جاك وسرها ماكشفـــــــته
وسلامتكم
