« آخـــر الـــمـــشـــاركــــات »
:: أبوي (آخر رد :ياسر محمد العتيبي) :: قصيدة (آخر رد :ابو طارق الشمري) :: قصة محري بن قطران مع خدام المرحوم الملك عبدالعزيز القصه الحقيقيه (آخر رد :الفانتوم) :: قبيلة المحاقنة (آخر رد :متعب الوحيدب) :: قبيلة المحاقنة (آخر رد :متعب الوحيدب) :: رواية معركة إشريفة التاريخية بين قبيلة بني رشيد وعنزة (آخر رد :حفيد رشيد) :: رحلة الألم (آخر رد :ياسر محمد العتيبي) :: سهيله (آخر رد :ياسر محمد العتيبي) :: المواهب من الله (آخر رد :ياسر محمد العتيبي) :: راحتي (آخر رد :ياسر محمد العتيبي)

الرئيسية « الشعر الشعبي « معانات موظف شركة !!!!!!!!!!

معانات موظف شركة !!!!!!!!!!

ابـن نـعـيـس14-Dec-2005, 09:01 AM

السلام عليكم ورحمة الله وبركاته

هذي قصيده احد موظفين شركه ارامكو ..........

اتركوها من شــــركه
لاقريــد ولاحــركه
والـراتب مامن بركه
يطير منا بلحظات
---------------------
اجي بدري قبل الناس
لابس احـلى الالباس
متطيب وماشــط الراس
كني من الخواجات
------------------
اكـد كـد الحــمير
واصبر صبر البعير
ابــي غدينــي اصــــير
ريس باحدى الشفتات
-----------------------

لـكن خذاها الغريب
منهو جاي بالتهريب
جاي بلنش اوعلى جيب
ومـا مـر الجوازات
-------------------
ياجاوي اوسوداني
او رفيـق ســيلاني
او من صـنعاء يــماني
حاط باثمه حزمة قات
----------------------
مايعرف وين الشيمه
ولا العـادات القديمـه
ابـله مـثل الــــبهيمــه
خرب علينا العادات
----------------------
لكن قررت اســتقيل
ماعاد بي والله حيل
تعـبت من اخــر ليـــــل
اتعبتني الورديــات
--------------------------
بلا مصنع بلا فيد
بلا بونص بلا قريد
حتــى لو عطوني ليــد
متنازل عن هالترقيات
------------------------
ابي اشري وارد حصنان
مرسدس ماهي يابان
وابــي امــلاها طـــليان
هرافا وبالوصف جزلات
--------------------------
وابي اشري في اكس ار
عــداده مابــعد دار
الدبـل بـــهمزة ازرار
والتــــواير هـزازات
----------------------
وابي اخذ لي صيوان
مزركش باحلى الالوان
ويصير للمسير ديــوان
والسوالف هات وهات
--------------------------
وابـــي اطـــلع للنــفود
ومــعي ثلاثة هـــنود
شبــــاب مابــهم عــود
ومايــــخلون الصلوات
-----------------------
واحـد راعـي لـلبهايم
والـثاني طبـاخ دايـم
والثـالث للــوازم قـــايم
يقضي كل اللزومات
--------------------
وابــي اتزوج سوريه
مزيونه تـقل حـــوريه
العيـــون وسـاع وعسليه
والخدود حمر موردات
-------------------------
امكن عمرك ياغشيم
الدنيا تراها ماتديـم
جـدد عمـــرك يافـــهيم
مابـــقى كثـر مافات
-------------------------
ولازم اخــتم كلامي
بالصلاة والـسلامي
على الرســول الامــامي
نكـسب فيها حسنات
------------------------
وسلامتـــــكم

الشاعر/ موظف شركه

تحيااااااااااااااااااااااااتي

((الدلبحي))16-Dec-2005, 02:19 AM

ابن نعيس

ونستنا بالقصيده لاهنت

تحياااااااااااااااااااااااااتي

مرزوق حمدان العتيبي16-Dec-2005, 01:27 PM

..
.
رائع بهذا الاختيار..

تسلم وجهودك محل الشكر والتقدير ..
..
يعطيك العافيه .
...
.

ابـن نـعـيـس16-Dec-2005, 09:01 PM

الدلبحي

الله يونسك بالعافيه والصحه وجعله دوووم

مشكووور على تواصلك الدائم والمميز

تحياااااااااااااااااااااتي

ابـن نـعـيـس16-Dec-2005, 09:02 PM

ابومحمد

الله يسلمك من كل شر

مشكووور على تواصلك الدائم والمميز

تحياااااااااااااااااااااتي