موقعة الحميمه بين البقوم ومطير

معركة الحميمه



السلام عليكم ورحمة الله وبركاته

كما هي عادة القبائل في ذلك الوقت الاغاره طلب للمغنم اما في هذه المعركه
فقد اختلف الهدف والمطلوب فقط هو الثأر من البقوم

السبب /

ان قبيلة القروف من البقوم نزلت على عدود كانت في ذلك الحين في ديار
مطير وهي عدود (خشم المردمه )واغار عليهم الشيخ / متعب بن جبرين
في ذلك الموقع وانهزم واصيب في تلك الوقعه وقد اكرمه الشيخ / هندي بن
حمود القرفي وعالجه 0
الا ان بعض شيوخ وفرسان مطير اعتبروا هذه اهانه واسر لهذا الشيخ الشجاع واصروا وقرروا غزوا البقوم نتيجه لذلك 0وقد رحلوا البقوم من هذه العدود ونزلوا في (الحميمه) وهناك اغار عليهم المطران بقيادة الشيخ /سحلي بن سقيان ومعه حيلان البلي وابن هدبا ودارت الحرب في هذه الموقعه وقتل من الطرفين الكثير وكان مع القروف رجل من سبيع وهو الفارس الشاعر / سعود بن دغيليب العامري تمثل بهذه القصيده واصفا ماحدث في تلك المعركه /




يـاالله يامعبـود ياعـالـم الـشـان = ياكافل(ن)خلـقـه بـكـل النـواحـي
عاونتنا وانـا علـى الحـق عـوان = يافـارج الضيقـات بامر(ن)سماحـي
يـم الحميمـه مانـوونـا بعـقـلان = عيـوا وعيينـا بضـرب الرمـاحـي
غـاروا علينـا الفجروالنـور مابـان = يبغـون كـل اعشارهـا واللقـاحـي
جونا مشافيح(ن)علـى حـم الامتـان = وعيـوا عليهـا كاسبيـن المداحـي
اللي على الزلبات باالسيـف وسنـان = واللي على الكوعين مـس الشباحـي
ونـادا منـاد القـوم للقـوم مطـران = وحنا على( ابن حمود) طير الفلاحـي
رجنا عليهم روجة(ن)تبـر الاحـزان = يشهد بها اللي طاح وسـط المراحـي
بحد(ن)يشيل الرووس من فوق الامتان = خلـوا عذارهـم تـجـر النيـاحـي
تعـرف فعايلنـا بصكـات الاكــوان = عـدونـا نسقـيـه سم(ن)ذحـاحـي
يصفهم قاعـد كمـا صـف شيهـان = صـف الفهـد للراتعـات الضواحـي
عينت ابن (ضمنه)بعد جـر الالحـان = البيـض عنـده يرفـعـن النيـاحـي
والشيخ( ابن هدبا) تعشـاه ضرمـان = ويكسر على( سحلي )خفوق الجناحـي
من ضرب ربعي يطلب المنع باحسـان = بعـد تقلـل ثــم قــال الفـلاحـي
مابخصك فى الكون من قبـل شيبـان = ثم طعتـوا النصـاح راع النصاحـي
هذا العشا من دون حلـوات الالبـان = من فوق حمر(ن)قد شعاها الصياحـي
والله لـو لا علقة(ن)عنـد (حيـلان) = مـادون ننفقهـم بحزم(ن)بـراحـي
حنا نبيع الـروح بارخيـص الاثمـان = وبايماننـا عـود القنـا مااستراحـي
(شوردي) اللي يـودع القـوم شتـان = من سطوته يذهل عقول(ن)صحاحـي
جاكم حكيـم الـراي عايـل ودجـران = كـم فارس(ن)يمـه تمايـل وطاحـي
اللي عثا فيكم كما الذيب فـى الضـان = حر(ن)مخاليبـه تشـلـح شـلاحـي
ارخص بغال الروح والسيف شامـان = لين انثنـوا للمنـع والجمـع زاحـي
ترفع له البيضـاء علـى كـل مابـان = دون القرايـع يـوم حـل الصباحـي

وووووونعـم في البقــوم وووووونعـم في مطيــر ...

مشكـور ع المـاضـوع أخـوي ابو مقـرن ولاهنـت .. وبينـي وبينـك تـرا المـاضوع مكـانه في قسـم قصـه وقصيـدة

لأن هـذا القسـم خـاص ببطولات الهيـلا ..:)

تحيــاتي ..

..
.
.
تم نقل الموضوع الى المكان المناسب..
..
والله لايهينك يابو مقرن ..
..
تحياتي

والله ونعمين في قبيلة البقوم ،،، وقبيلة مطير ،،،
، ، ،
، ، ، ، ،

وشكرا لك على القصه والقصيدة .

والله ونعمين في قبيلة البقوم ،،، وقبيلة مطير ،،،

وشكرا لك على القصه والقصيدة .

ونعم في كلا القبيلتين

ولا هنت يابن مقرن

تحياتي وتقديري

مناور المورقي

الله يعطيك العافيه وشكرا لك على نقل (الماضوع) ياالذيب 0

اخوي مرزوق العتيبي

لاهنت ياالقرم 0

ابومقرن ونعم فيكم يالبقوم اثركم منتم بهينين الله يكفينا شركم

والله ونعمين في قبيلة البقوم ،،، وقبيلة مطير ،،،

وشكرا لك على القصه والقصيدة .

وشكرا لك على القصه والقصيدة