مجاراة الشاعر الكبير / حمد الأسعــــدي .....

السلام عليكم ورحمة الله وبركاته ..

هذي قصيدة للشاعر المعرووف

حمد الأســــــعــــــدي

والذي شارك مؤخرا في تحكيم مسابقة شاعر الشعراء على قناة الجديد والأوطــان ..

كتب في قناة الساحة (الشــات) هذا البيـــت ولا نعرف من قاله :

يامن يعزي نفود السر في عتيبه
اجره على الله ليا سلـّم وعزاهـا


وجاراه الشاعر حمد الأسعدي بهذه الأبيات المتناسقة الرائـعه ::

ياراعـي البيــت بيتـك كنّـه مصيبــه
الله يثيبك عيوني نثرت ماهـــــا

الرمل يبكي فراق الطرش والهيبــه
نفود لاكن بغــال الروح نفداهــا

اوعدتـــها ياولــد ماأطـــول الغيبـــه
مادام انا حي والله مااتناساهـا

وسميتها باسم ثاني لاجل اناديبــه
نفود هيلا العرب وتدوم بحماهـا

حلفت مادام به واحـد من عتــيـبـه
ماياصل الضيم تربتها ولا ماهـا
الشاعر / حمد حمـود الضحيان الأسعـدي ..


اخوكم ..
ابن الأجواد الأسعدي..

صح لسان الشاعر الكبير/حمد الأسعدي وبيض الله وجهك يابن الأجواد

صح لسان الشاعر الكبير/حمد الأسعدي وبيض الله وجهك يابن الأجواد


++++++++++++++++++++++++

صح بدنك ..

ووجهك يابن غازي

صح لسان شاعرنا الكبير: حمد الاسعدي

ولاهنت يابن الاجواد على الجهود الطيبة

راع العوجا
شرفتني بمرورك الطيب يا بن العم

ترقبووووا
افضل قصائد

حمد الأسعدي

الجديده والقديمة
ومنها
بغيت النوم مير النوم عيا ..
والكثيير والكثيير

صح لسانك قصيده رايعه

صح بدنك و حمد مااقصر

صح لسان الشاعر

ولاهنت على النقل

الله يعطيك العافية

هيلا العرب

ابيات رائعه وغير مستغربه بشاعر مثل قامة المبدع حمد الضحيان

العفـــــــــــــــــــــو اخواني

هيلا العرب

ابيات رائعه وغير مستغربه بشاعر مثل قامة المبدع حمد الضحيان

ايه والله
مبدع مبدع بكل ماتحمله الكلمة من معنى

ياسلام سلم


صح لسان الشاعر حمد الاسعدي

وشكرا على ايرادها هنا

صح لسان الشاعر


ولايستغرب منه ذلك

صح لسان شاعرنا العملاق حمد الضحيان

واللي يعتبر أشهر شعراء الأساعدة في هذا العصر .

وقد تم تكريمه كأحد أعلام قبيلة الأساعدة في حفل قبيلة الأساعدة الكبير في مخيم القبيلة واللي أذيع في قناة الساحة قبل يومين .. وقد ألقى قصيدة في حفل القبيلة .. وقد ألقاها عنه الشبل نواف بن سعود الحداري.


صح لسان إبن العم .. ويستاهل التكريم على هالأبيات التي تقطر حزنا على نفود (الهيلا ) .



راعي صبحا

كثر الله خيرك اخونا ابن الاجواد

وصح لسان حمد الشاعر الرائع

(( حلفت مادام به واحـد من عتــيـبـه
ماياصل الضيم تربتها ولا ماهـا ))
ماقصرت يا حــمـــــد


راعي صبحا ماقصرت على الإفادة

صح لسان الشاعر الكبير حمد الأسعدي والله لايهينه على قصيدة اللي يرفع الراس .

ويستاهل التكريم من هل التكريم . والله يبيض وجه من سعى في تكريمه هو ورجالات القبيلة اللي يشار لهم بالبنان .


حلفت مادام به واحـد من عتــيـبـه ..... ماياصل الضيم تربتها ولا ماهـا


والله أنك صادق يالأسعدي.




أخوك / الطارق

مشكور اخوي على مرورك

لا هنت يا ابن الأجواد وصح لسانك ياحمد الأسعدي


تقبل تحياتي
البعيد النايف