البواردي عليك الطلب

مرحبا عداد ماهب ذعذاع الهبوب=والمواقف عزها دايمٍ برجالها
يالعضياني ترا ماتضيقبنا الدروب=شد حيلك والاصيله تبا خيالها

ارحب ارحب يانايف تشرفني


استلم :



البقا ياللي ترحب عدد نبض القلوب=بيع واشتر والنشاما بروس اموالها
فيه بارق فالشمال وزوابع فالجنوب=والعرب تاخذ جزاها بحنس اعمالها

الله اللي يعلم السر علام الغيوب=كل كلمه يالعتيبي يجيك ابدالها
بنت ابو زيد الهلالي لها عشرين ثوب=مار شرهتها تعود على رجالها

الله الله
صح لسانكم يامبدعين

ان شعت النار جاك القدر من كل صوب=حملتــــك لابد يالاجودي تشتالها
من كفلها يحتميها بساحات الحروب=يمنع العدوان عنها ويحسن فالها

نايف والبواردي لاهنتو على الجزاله


استأذنكم

لا تشب النار منت بعلى النار مغصوب=كان عندك حيلةٍ لازمن تحتالها
انت يارجال مافيك عيب من العيوب=والعلوم اتمر مدري متى تصحالها

الله الله






واصلوا وعلى القوّه

العازمي مرورك يشرفنا

دمت بخير

الفالح ارحب ارحب

الشروق اللي تظنه يشابه للغروب=يختلف والشمس ميّز جميع احوالها
يا هجوسي لين اعرف الصدوق من الكذوب=استريحي عن قصار الطرق وطوالها

سلمان الروقي


العازمي



الفالح


هلا ومرحبا شرفتونا بحضوركم

وصحت ابدانكم

لازمٍ نعطيك يا صاحبي حتى تتوب=وشتبى من دلةٍ شاربٍ فنجالها
ادري انك شاعرٍ في المواقيف محسوب=والسوالف طيعني لا تعقد احبالها

ما شربت الا قراطيع من ديس الحلوب=والبسيطة ماتعدي بروس جبالها
ليت نايف فالسفينه يدور له ركوب=البحر قبله رجالً كثير اغتالها

الله الله



ولا يزال الابداع مستمراً

لا تقوله والبحر لا تحسب انه يروب=والمواقبف الصعيبه ترا حنا لها
ابشر اني ياحمر العين مانيب امغلوب=مار بعض الناس يالله تستر حالها

والله انا حاسبينك من حساب الشعوب=مانت عمً للجليله ولا انته خالها
فوق كاهل طيب الراس يا كثر الذنوب=غترته من غابر الوقت مال عقالها

صح السانك

تصبح على خير

والجايات اكثر

شرفتنا يالفالح

ولا تروح بعيد

اظنك تفزع لي ضد المدعو نايف

ترى ماعاد وراي قطرة

صح بدنك وشرفت اخوك بهذا القاف

وصح لسانك انت ايضا

وانت من اهل الخير

توضيف للمعاني يثلج الصدر

ومشكورين على الطاروق