الخشيم مشرع (ن) فيه الزمام ,,,

السلام عليكم ورحمه الله وبركاته .. وبعد

الاخوه الاعزاء .. ابناء الهيلا .. اليكم هذه القصيده المتواضعه ارجوا ان تحوز على اعجابكم ,,,


قال من يبدا بقيفان (ن) نظيم

من ضمير يبدع النظم التمام


من ضمير صاحي وقلب (ن) سليم

ما دخل في مدخل الناس اللئام


مستقل وفي طريقه مستقيم

مايلف ليا توجه استقام


ماخذ(ن) حقه من الحشمه حشيم

ولايحول للردوف عن السنام


هاضني زول (ن) مع العالم عديم

غير حسنه حاز منطوق الكلام


ارعبتني يوم جتني بالهميم

وزاد خوفي يوم اطاحت بالثام


غير زين الخلق والخصر الهضيم

الخشيم مشرع(ن) فيه الزمام


قالت اثر الشيخ يذل من الحريم

واحسب ان الشيخ يقتحم اقتحام


قلت انا ليا صار في الجو تعتيم

اقتحمت الخوف سيرا للامام


ما اتقهقر عن ملاقات الخصيم

ولخصماي محضر(ن) صك الخصام


مير وصفك طاغي (ن) يا عنز ريم

ما يقف قدامك الشيخ الهمام


من تكهرب من عيونك راح سيم

شورت كهرب والنتيجه بالقوام


والتبرج وارد(ن) فيه اتحريم

والمخاطب في حدود الاحترام


قالت احسن ظنك وانت الفهيم

لا تروح لهاك الافكار الحرام


اختكم في الله عايشه (ن) بظيم

في بلادي ماتهنيت بسلام


الحصار مطبقينه بتعميم

احتلال (ن) علق الخمسين عام


يذبحون العود والورع اليتيم

ويذبحون البنت قدام الغلام


والشوارع سعروها بالجحيم

بطايرات (ن) تجعل المبنى هدام


ولا لقينا جات فزعه من تميم

ولا لفتنا فزعه (ن) من يم شام


وحدونا في دجى ليل (ن) بهيم

واتركونا دايحين في ظلام


ولا لنا الا نطلب الرب الرحيم

سامك السبع السموات العظام


يرجع الحق الذي منذ قديم

ما شقت به الزعامات .......


قلت انا باستغفر الله العظيم

يغفر الي كاسبين من الاثام


ما فزعنا وضعنا وضع (ن) سقيم

زايد (ن) فينا البلا والانقسام


شرنا الي مبطي (ن) فينا مقيم

من تكلم راح في سجن النظام



واعلمي يابنت والله العليم

اننا بقلوبنا معكم شمام


شوفي دعانا مع الشيخ الشريم

ومن ورى الشيخ السديس مع القيام


معذريه والعذر ماهو ذميم

والله الي يفك ضيق الاحتدام



وسلامتكم ,,, .......... ( نفصد بتميم كنايه عن العرب )

تسلم اخوي
ابن فرحان
قصيده طيبه
من رجال
طيب
وصح السانك

صح لسانك يا ابن فرحان

قصيده جميله

تحياتي

الاخ الكريم .. انور الخريصي ..


صح بدنك يا الطيب ..


اشكرك جزيل الشكر على المرور ..

ولا لنا الا نطلب الرب الرحيم

سامك السبع السموات العظام
اخوي ابن فرحان قصيدة رائعه من اخ رائع ومشكور جدا جدا جدا جدا
وتسلم لاخوانك

صح بدنك يا ابو فراس ..


مشكور يا الطيب على مرورك على القصيده ..

صح لسانك يا ابن فرحان
اسلوب مميز في طرح القضية وجزالة في المعاني
بيض الله و جهك