لا ياحبيبـــــــــي ،،،

لا ياحبيبـي لا تسافـر وترحـل =ملكتنـي واليـوم بتغيـب عنـي
لا ما هقيت الهجر منك بيحصـل =ولا ضربت حساب طبع التجنـي
ان كـان قلبـك ياحياتـي تبـدل =أنا بكم يازين مـا خـاب ضنـي
وان كان قصدك في جمالك تدلـل =الله يزيدك ياهـوى البـال فنـي
وكان التغلي فـي خيالـك تمثـل = متى على خلـك تـروف وتحنـي
وان كان غرك هرج عاذل تبجـل = في صورة الناصح وجاك متعنـي
طبع العواذل يـا حبيبـي تسلـل =بين الحبايـب بالنشايـب تزنـي
دايم على عذل المواليـف تعمـل =عندي يعذلونك وعنـدك عذلنـي
لامن ذكرت ايامنـا اللـي منـول =حنيت مشتـاق وعيونـي بكنـي
ارجوك ياخلـي علينـا تجمـل = أنا من اسبابـك قصيـدي يغنـي
من حبكم صرت بهواجيسي أغفل = محسوب بحساب المجانين كنـي
ولا اوحيت طاريكم يدينـي تبلـل =من حر نيـرانٍ بجوفـي كونـي
اصبر واداري عنـد نـاس تعلـل =أخفي هواكم غصب واضحك بسني
حبك ملكني وأنت بالكون أجمـل = الله عطاك الحسن حسنـك فتنـي
متى علي يازيـن تلفـي وتقبـل = هذا رجـا قلبـي وهـذا التمنـي

ارجـــوك يـاخـلـي علـيـنـا تـجـمـل
أنــا مــن اسبـابـك قصـيـدي يغـنـي

الله الله عليك

صح الله لسانك وعلا شانك

تقبل مروري المتواضع

يا هلا بك يابو بدر الروقي

مرورك اسعدني

وصح بدنك يالغالي

تحياتي لك ،،،

صح لسانك والله..

جزله يالجزل..

ننتظر جديدك يابن العم ..

صح لسانك

وانتبه من العشق ترا يعور القلب

ألف شكر لمن تكرم بالرد والمرور ،

تحياتي وتقديري لكم ،،

وصحة أبدانكم ،،،

الله واكبر عليك يا سعود
صح السانك قصيدتك جزله وعزالله انك هيظتني

صح لسانك ولله يقويك على كل فعل فيه الطيب لك وربعك عتايبه


ولله يوفقنا ويوفقك""""""



اخوكم (معاذ المسـعودي)

صح لسانكـ


على هذه الابيات


يالحافي

سعود الحافي صح لسانك يالجزل

شاكر لكم ومقدر يإخوان

وصحة ابدانكم

مروركم نّور المكان

والف شكر مع التحية ،،،