الكرناف من برقا والاروق

اخواني الاعزاء تحية طيبة :
هل الكرناف من برقا والا الروقة
واين هجرهم ومن هو أميرهم
مشكورين.

الاخ راعي الشقحا

الكرناف بسيسي من النفعه من برقا

اما هجرتهم واميرهم الحالي
فاوجه السؤال معك الي الاعضاء من قبيلة النفعه

وتقبل تحياتي

راعي الشقحه نعم اخوي الخنفري كلامه صحيح وازيد عليه ان الكرناف امير فخذ
البسايس من النفعه وهجرتهم هي بحار وتقع غرب جنوب البجاديه بمحاذاة جبال النير المعروفه من الشرق .

وهم مشهورين بالشجاعه والفروسيه وقوة بأسهم .

مشكورين شباب عتيبة للتوضيح سوال ابن العم

انا من الكرانيف وهذي نبذه عنهم
الكرانيف من برقا من قبيلة النفعه وهم امراء البسايس من النفعه
الكرناف لقب على الامير ذعار البسيسي
وهجرهم بحار وبعضهم بالبجاديه وفي منهم بمكه المكرمه لاكن اللي بمكه يمكن مايتعدون خمس بيوت
وامير الحالي فيحان بن تركي بن مشرع الكرناف حفظه الله ورعاه وهو الان ساكن بالرياض
وسلامتكم اخوكم سعود البسيسي النفاعي العتيبي

انعم واكرم بالكرانيف , وقد ظهر منهم فرسان وعلى سبيل المثال:

الفارس والشيخ مبارك بن مذكر بن شنبر الكرناف , وتوفي عام 1350 هـ تقريباً.

وقد قال فيه احد الشيابين , في احد الوقعات التي حضرها:



نركب على اللي مشيهن انقاف=انقاف ذيبٍ يجر اعواه
بمسلبات ضربهن ينشاف=واللي يبانا يقصرن اخطاه
البيض لمبارك الكرناف=يوم ......... ماقفه خلاه



تحياتي للجميع

مالك لوا يآلاد النفاعي
الكرناف لقب الشيخ شنبر

مالك لوا يآلاد النفاعي
الكرناف لقب الشيخ شنبر

نعم ..لقب لشنبر ..على وقت الشريف

ويقول احد الشعراء..


واشهر كما يشهر على الخيل كرناف = بالعزوه اللي بالملاقى معروفه
بسيفٍ يجز الراس من فوق الاكتاف= من فعله ابصار الخصوم مخطوفه

الاخ راعي الشقحا

الكرناف بسيسي من النفعه من برقا

اما هجرتهم واميرهم الحالي
فاوجه السؤال معك الي الاعضاء من قبيلة النفعه

وتقبل تحياتي


هذا هوا الكلام الصحيح