دقت (هجوس الليل) يامال فرقا !

السلام عليكم ورحمة الله وبركاته



يسرني ان انشر لكم هذه الابيات
القليله والتي آمل أن تحوز على الأقل
- القليل من رضاكم
..................................................



دقت هجوس الليل يامال فرقا=والهم زار القلب والفكر محتار
الليل طال وميسم الهم عرقا=بين الظلوع وقلت ياقصر الأعمار
وأمسيت أجاذب باللحن كل ورقا=ورقاً لحنها مال بأوراق الأشجار
همٍ لعب بالقلب غربٍ وشرقا=حط الحنايا دار وأستوطن الدار
وشب اللهيب بداخل الصدر حرقا=قلت اتقي جمر الحنايا بالأشعار
الجرح خافي والمعاذير طرقا=تمشي يمين أحيان وأحيان لـيسار
مافاد شيخٍ بالقرايات يرقا=ولافاد بي صبري على كتم الأسرار
والعبره اللي داخل الصدر ترقا=أردَها وأقول ياطول الأسفار
والدمعه اللي تشبه الموج زرقا=ماهلَها موقي على شر الأقدار
بأيام لون القطن وأيام برقا=وايام عشت بها على حلو وأمرار
كل المراكب داخل اليم غرقا=راحت مراح مقيت في ريح وإعصار
ماهوب يأس ولكن أحلام خرقا=صالت وجالت وإنتهت ريح وإغبار
ولوأسرق البسمه من الصبح سرقا=جاني سواد الليل يطلبني الثأر



عمرالعتيبي

ولوأسرق البسمه من الصبح سرقـا
جاني سـواد الليـل يطلبنـي الثـأر


نص فاخر يسلب الالباب ..
حي الله ابو ممدوح وحي ماجاب ..
صح لسانك ...

.
.
أبقاك الله يبو محمد
وصح بدنك يالغالي
ومرورك العطر كالعاده
يشرفني ويشرف ما اكتب
ولاهنت على تثبيتك الأبيات
........................................

الله يحييك يا عمر وصح لسانك على الأبيات الرائعه..

ما أقدر أقول إلا صح لسانك مليون يا أبو ممدوح..

.
.
.

الله يبقيك ياخلف العتيبي
وصح بدنك بالغالي
ولاهنت مليار على متابعتك
................

الله الله

عليك يابوممدوح

صح السانك

وعتلاشانك

رائعه لاهنت

تقبل تحيتي وتقديري

ياسلام ياسلام



رائع رائع


ياعمر الروقي

عز الله انك مليتها عدل

صح لسانك يا عمر

قصيده رائعه تدخل قاريها جو!!!!

لا هنت.....

ياسلام ياسلام
رائع رائع
ياعمر الروقي

.
.
.
الله يسلمك والاروع
مرورك ياعيضه
....................

.
.
فهيد الرويس
صح بدنك يالغالي
ولاهنت على المتابعه
تقبل تحيتي وتقديري
...............

عز الله انك مليتها عدل
صح لسانك يا عمر
قصيده رائعه تدخل قاريها جو!!!!
لا هنت.....

.
:)
.
.
صح بدنك
ولاهنت على المتابعه
وتقبل تحيتي وتقديري

صـح =السانك