الزراقي
حاكم الغنامي19-Jan-2009, 12:20 PM
يامرحبا ترحيبةٍ ترقا على متن السحاب =في حلةٍ وشهي مقاييس الكرم من دونها
اشوف ابو زيد الهلالي ملتهي عنّه ذياب =خلاه في وجه الذياب اللي تحد سنونها
محمد بن رشيد19-Jan-2009, 12:39 PM
الله الله الله
دام البقا بالشاعر اللي من عزيزين الجناب =العزوه اللي كل قمه عاليه يصلونها
اللي حضر لاهان واللي غاب يارجال غاب = واللي تحد اسنونها نبا نسد اعيونها
حاكم الغنامي19-Jan-2009, 12:48 PM
طيب طيب
ولاعليكم زود ياهل الضلع مرزوم الهضاب =العزوه اللي للمواقف ساقهم يثنونها
كنت احسبنك معه مثل اعقاب ووخيه حجاب =مير العرب دايم تخيبها كبار اضنونها
زياد المزرمي19-Jan-2009, 12:48 PM
يا سلام ياسلام
صح السنتكم
ومتابعين الابداااااع
حاكم الغنامي19-Jan-2009, 12:55 PM
88
8
هلا هلا
يازياد
صحت ابدانكـ
ابراهيم الزراقي19-Jan-2009, 12:58 PM
صحت السنتكم يامبدعين
بداي قويه ورد قوي وانا متابع وفي صف ابو مالك
ولايهيون الغنامي
محمد بن رشيد19-Jan-2009, 12:58 PM
الله الله
الليله الدعوى لها مضمون وعلوم وحساب = واللي مايحسب للدعاوي غر من مضمونها
احيان اقول ان السوال اللي مايلقاله جواب = يشب مثل الجمره اللي محرقه غليونها
فايز بن سرحان الثبيتي19-Jan-2009, 12:59 PM
دام البقا بالشاعر اللي من عزيزين الجناب
صح لسانك يامحمد بن رشيد
رائع رائع
مير العرب دايم تخيبهـا كبـار اضنونهـا
صح لسانك ياحاكم الغنامي
بصمة عالية الجودة
محمد بن رشيد19-Jan-2009, 01:00 PM
زياد الشطيطي
هلاا وغلاا
شرفت .. بحضوورك
ابراهيم
يامرحبا يبو خلف .. نور الصف بوجوودك ياعزوتي
تقديري
محمد بن رشيد19-Jan-2009, 01:01 PM
ابن سرحان
هلاا وغلاا
شرفت بحضووورك
ابراهيم الزراقي19-Jan-2009, 01:03 PM
احيان اقول ان السوال اللي مايلقاله جواب
يشب مثل الجمره اللي محرقه غليونها
ابدااااع يابو مالك صح لساااااانك
حاكم الغنامي19-Jan-2009, 01:15 PM
سمحان ياسمحان خايف يتعبك كثر الزهاب =الله يعينك من دروبٍ كلكم تمشونها
الكبد مايقطع عطشها غير مزلول الشراب =هذا جزايه يوم انشّد عزوتي وشلونها
حاكم الغنامي19-Jan-2009, 01:17 PM
ابن سرحان
ابراهيم الزراقي
منورين يالله حيهم جميعااااا
وصحت السنتكم
محمد بن رشيد19-Jan-2009, 01:23 PM
الله الله
لاوالله الا راعي الحمله بعد ودا وجاب = يشتالها لو انها ياثقلها ياهونها
مالك ومال المهميه جوز من طرد السراب = كم ناس تزري يالعتيبي ماتسد اديونها
حاكم الغنامي19-Jan-2009, 02:38 PM
الله الله
اعتذر كنت اصلي ياذيبان
جايكـ الرد
حاكم الغنامي19-Jan-2009, 03:05 PM
السيف ابو حدين عزه يامحمد بالنصاب = وام الكباير زادها يرمس بوسط صحونها
اخذت لك صوره ولكن معتمه مثل الضباب=مايندري عن حجمها ..ولايندري عن لونها
محمد بن رشيد19-Jan-2009, 03:13 PM
الله الله الله
انته عتيبي والعتيبي لايذل ولايهاب = وأم الكباير حط سكينك على حنحونها
مالك ومال الصوره اللي بين طيّات الكتاب = واترك وعول الضلع تصدم فالجبل بقرونها
محمد بن رشيد19-Jan-2009, 03:29 PM
حاكم الغنامي
استأذنك .. ولاهنت يالغالي
تحياااتي لكــ
حاكم الغنامي19-Jan-2009, 03:38 PM
انا عتيبي وافتخر وانشد عبيده والحباب =اخصامنا اللي وقفتي لو مت ماينسونها
اثرك طايح يامحمد بين ضرس وبين ناب =وتقول ابا روضه وابا معها بعد مليونها
حاكم الغنامي19-Jan-2009, 03:39 PM
محمد بن رشيد
العلم المبدع
تشرفنا بمجارات شاعر بحجمك
والله لايهينكـ وصح لساااانكـ
والى لقا اخر باذن الله
محمد بن رشيد19-Jan-2009, 10:30 PM
حاكم الغنامي
لاهنت والشرف لي طال عمررك
تحياااتي
قادح شرار19-Jan-2009, 11:00 PM
حاكم الغنامي ... يظهر بالوجه الشرس ...
ولكن ابن رشيد بالمرصاد ...
طارووووقكم ممتع بجميع المقاييس .
صحت ألسنكم يا عتابه ..
وتقبلوا مروري .
عيد العازمي19-Jan-2009, 11:04 PM
طارووووقكم ممتع بجميع المقاييس .
لان اطرافه حاكم وابن رشيد
صحت السنتكم اكبار فعلا
حاكم الغنامي20-Jan-2009, 12:05 PM
حاكم الغنامي
يامرحبا ترحيبةٍ ترقا على متن السحاب=في حلةٍ وشهي مقاييس الكرم من دونها
اشوف ابو زيد الهلالي ملتهي عنّه ذياب=خلاه في وجه الذياب اللي تحد سنونهـا
محمد بن رشيد
دام البقا بالشاعر اللي من عزيزين الجناب=العزوه اللي كل قمه عاليه يصلونها
اللي حضر لاهان واللي غاب يارجال غاب=واللي تحد اسنونها نبا نسد اعيونها
حاكم الغنامي
ولاعليكم زود ياهل الضلع مرزوم الهضاب=العزوه اللـي للمواقـف ساقهـم يثنونهـا
كنت احسبنك معه مثل اعقاب ووخيه حجاب=مير العرب دايم تخيبهـا كبـار اضنونهـا
محمد بن رشيد
الليله الدعوى لها مضمون وعلوم وحساب=واللي مايحسب للدعاوي غر من مضمونها
احيان اقول ان السوال اللي مايلقاله جواب=يشب مثل الجمره اللي محرقه غليونها
حاكم الغنامي
سمحان ياسمحان خايف يتعبك كثر الزهاب=الله يعينـك مـن دروبٍ كلكـم تمشونهـا
الكبد مايقطع عطشها غير مزلول الشراب=هذا جزايه يوم انشّد عزوتـي وشلونهـا
محمد بن رشيد
لاوالله الا راعي الحمله بعد ودا وجاب=يشتالها لو انها ياثقلها ياهونها
مالك ومال المهميه جوز من طرد السراب=كم ناس تزري يالعتيبي ماتسد اديونها
حاكم الغنامي
السيف ابو حدين عزه يامحمـد بالنصـاب=وام الكباير زادها يرمس بوسط صحونهـا
اخذت لك صوره ولكن معتمه مثل الضباب=مايندري عن حجمها ..ولايندري عن لونها
محمد بن رشيد
انته عتيبي والعتيبي لايذل ولايهاب=وأم الكباير حط سكينك على حنحونها
مالك ومال الصوره اللي بين طيّات الكتاب=واترك وعول الضلع تصدم فالجبل بقرونها
حاكم الغنامي
انا عتيبي وافتخر وانشد عبيده والحباب=اخصامنا اللي وقفتي لو مت ماينسونهـا
اثرك طايح يامحمد بين ضرس وبين ناب=وتقول ابا روضه وابا معها بعد مليونهـا
حاكم الغنامي20-Jan-2009, 12:06 PM
قاااادح شرار
العازمي
منورين وصحت ابداااااااااانكم
معجب العتيبي20-Jan-2009, 02:07 PM
ابن رشيد
حاكم الغنامي
مبدعين
صحة السنتكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
