ياشبابه شدووو الحيييل

السلام عليكم جميع.......ومساكم الله بالخير

هذي اول مشاركه.........مع ها الطاروق..


بدايه من الضيفان عند المعازيب=انا ضيف من خنذف بحلة شبابه
سلامي على عتيبه هل العرف والطيب=رجال(ن)لهم بالوقت قدر ومهابه

عليكم السلام هلا وغلا حياك الله بالنيابه عن اعضاء المنتدى


نصيت الرجال الي تردٌ المطاليب = وشرواك حقه مثل حق القرابه
هلا مرحبا والضيف يلقى المواجيب = بعد جيت في حلة ربوعي عتابه

الله يبقيك ويبارك فيك.......





على كل ديره تطلع الشمس وتغيب=وحقي على الي قالها بالنيابه

يدوم البقى بالي يرد التراحيب=وكلن على قده تفصل ثيابه

السناني صح لسانك

وبيض الله وجهك

بداية تبشر بخير

ومرحبا فيك



طائر الاشجان رد وافي ماشاء الله

صح لسانك

ولا هنت

الثبيتي صح بدنك

وجهك ابيض


والخير بوجودك وجود شرواك........


البقااااااااااااااااااااااابك يالذيب

ترانا نعرف الواجب ونعرف العيب = وبيت الكرم مفتوح ماصك بابه
ولا يالسناني قبل فتل الاشانيب= ترا مايحوف الذيب غير الذيابه

ابن سرحان

صح بدنك شرفت ونورت

تقوله وانا ماقلت فيكم عذاريب=وتبقى الحقيقه واضحه من جوابه

وانا عارف ان الذيب ماياكل الذيب=ياطير السعد عينك لبرق السحابه

تحط العقارب داخل الكمٌ والجيب = تحسب العيون مربطه بالعصابه
انا اقدٌم النيه على الشك والريب = ونترك خطا الطيٌب وناخذ صوابه

بعد جابك الله فوق رووس المراقيب=وكلآ على الطرقه مولم زهابه
يطيح المطر بكره وتصفى المشاريب=تسيل الجبال العاليه بالشعابه

صح لسانك يالسناني لاهنت النوم سلطان والليل سرا ومره ثانيه شرفت ونورت في محلك :) :)


تسابق مع العالم بعوج العراقيب = ولا لك جناح الصقر ولا عقابه
تريٌح وخلك جنٌب حوض المشاريب = وبحر المحيط الاطلسي وش تبابه

لونا نفتش في دروج الدواليب=يبى يبين خافي قبل ماحدن درابه
انا واحد من الناس ماعلم عن الغيب=كشفت الحقايقه من حروف الكتابه



صح بدنك وصح لسانك بنفس الوقت...........ومثل ماقلت

تشرفت الله يبيض وجهك

..
.

تحط العقارب داخل الكمٌ والجيب
تحسب العيون مربطه بالعصابه
انا اقدٌم النيه على الشك والريب
ونترك خطا الطيٌب وناخذ صوابه


من اروع الابيات واجزلها ... من غير قصور فالسناني
فهو شاعر جزل ملفت للنظر والله يحييه بين اخوانه وفي مكانه ..
..
واصلوا يالابطال ...

مرزوق حمدان العتيبي
.




من غير قصور فالسناني
فهو شاعر جزل ملفت للنظر والله يحييه بين اخوانه وفي مكانه ..
..
واصلوا يالابطال ...[/font][/size][/color][/QUOTE]

اشكرك والله يبارك فيك ويبقيك
ومنكم نستفيد.

مرورك بحد ذاته يثير الحمااااااااااااااس

تحياتي لك........السناني

االسناني

بدايه من الضيفان عند المعازيب=انا ضيف من خنذف بحلة شبابه
سلامي على عتيبه هل العرف والطيب=رجال(ن)لهم بالوقت قدر ومهابه


طائر الاشجان

نصيت الرجال الي تردٌ المطاليب = وشرواك حقه مثل حق القرابه
هلا مرحبا والضيف يلقى المواجيب = بعد جيت في حلة ربوعي عتابه



االسناني

على كل ديره تطلع الشمس وتغيب=وحقي على الي قالها بالنيابه

يدوم البقى بالي يرد التراحيب=وكلن على قده تفصل ثيابه


طائر الاشجان

ترانا نعرف الواجب ونعرف العيب = وبيت الكرم مفتوح ماصك بابه
ولا يالسناني قبل فتل الاشانيب= ترا مايحوف الذيب غير الذيابه


االسناني

تقوله وانا ماقلت فيكم عذاريب=وتبقى الحقيقه واضحه من جوابه

وانا عارف ان الذيب ماياكل الذيب=ياطير السعد عينك لبرق السحابه


طائر الاشجان

تحط العقارب داخل الكمٌ والجيب = تحسب العيون مربطه بالعصابه
انا اقدٌم النيه على الشك والريب = ونترك خطا الطيٌب وناخذ صوابه


االسناني

بعد جابك الله فوق رووس المراقيب=وكلآ على الطرقه مولم زهابه
يطيح المطر بكره وتصفى المشاريب=تسيل الجبال العاليه بالشعابه


طائر الاشجان

تسابق مع العالم بعوج العراقيب = ولا لك جناح الصقر ولا عقابه
تريٌح وخلك جنٌب حوض المشاريب = وبحر المحيط الاطلسي وش تبابه


االسناني

لونا نفتش في دروج الدواليب=يبى يبين خافي قبل ماحدن درابه
انا واحد من الناس ماعلم عن الغيب=كشفت الحقايقه من حروف الكتابه


الله الله

ابداع وشاعريه فذه

صحة السنتكم