ابن جلوي لا عليت كل هامه=لا جاء نهار(ن) فيه ضاهد ومضهود

السلام عليكم ورحمة اله وبركاته

إدارة وأعضاء وزوار منتدى عتيبة الهيلا

اقدم لك هذه القصيده للشاعر : ثعلي بن غزاي ابو كتيفة العتيبي

مهداه الى الامير : عبدالله بن سعد بن جلوي آل سعود


سلام يا شيخ الضعن والجهامه=شيخ(ن) يجيله طايل العلم مردود
سلام يا شيخ(ن) رفيع(ن) مقامه=في لجنة التحكيم له دور مشهود
ابن الشيوخ أهل الكرم والزعامه=أهل الوفاء والطيب كسابة الجود
يا مقابل الضيفان بالابتسامه=انتم هل الميقاف لا هبة النود
لا جاء نهاراً فيه مثل العسامه=متخالط(ن) جوه ودخان بارود
زبون حرد(ن) مثل يوم الرغامه=في ساحة الميدان حاوي ومرود
جيناك صدفه دون وعد ولزامه=لكن قلنا اصبر لنا ايام ونعود
الحر من زاله فراس العدامه=وليا نشده انشد عن الحر يا سعود
خل السفاري ينحره بنسجامه=وليا وقفت انشد عسى الشيخ موجود
ابن جلوي لا عليت كل هامه=لا جاء نهار(ن) فيه ضاهد ومضهود
نصه العبد الله حشاك الملامه=راع الدلالالصفر والهيل والعود
أصل الكرم عاداتهم والشهامه=عون الصديق وللعداء سيف مجرود
كسبة من النوماس ذروة سنامه=الياء غداء يبن الحيل كل نمرود
تاريخهم معروف شرقه وشامه=ولنا بطاعتهم مواثيق وعهود
عهد(ن) مهوب مروج(ن) في كلامه=عهد(ن) على الجدان مع جده العود
أل السعود أهل الوفاء والصرامه=أهل الفعول اللي على الزايد تزود
الأمر لو يصعب فيدهم زمامه=نقض وفتله عندهم شيء معهود
حكام نجد وريف نجد وسلامه=درع الوطن وحماه من كل مقرود
كم طامع(ن) يطمع ويخلف كلامه=لأن الوطن من بين الأوطان محسود
يقبل ويقفي طامعه بالندامه=ما دام دونه قادة ودونه جنود
موج(ن) كما موج البحر في التطامه=لحما الوطن لا قالو الدار مقصود
والابل لها عند الشيوخ اهتمامه= يبذل لها في المجتمع كل مجهود
من جاء يعرض ابها تحقق مرمه=ولنا فخر في عرضها شمخ القود
العدل من خطط المبداه أقامه=واللي يحكم منصف(ن) مه هل الذود
والشعر ديوان العرب في التحامه=ومن لا ذكر بالطيب ما هوب مفقود


وتقبلوو تحيتي

صح لسان ثعلي




الله يعطيك الف عافيه

http://www.shy22.com/upfiles/2gC27135.bmp