الطارف يقرب
عبدالعزيز آلميموني10-Nov-2009, 02:42 AM
الســلآم عليكم
اتمناء مجاراتي من أحد شعراء الهيلا ..
سلام الله على اللي نآرهم تشعم سنه وشهور ×× حطبها رمث والارطا على الرمثه مشاهيبه
يقولون الرجال اللقمه اللي ناشبه بالزور ×× سواة السيف ابو حدين بالعلباء مضاريبه
نصار منصور10-Nov-2009, 03:10 AM
وعليكم السلام وحياك الله ياميموني (( أرحب يالذيب))
هلا يامرحبا ترحيب كنه نار ولها نور=وتصل الله يبارك فيك وامدح نيرة عتيبه
ليا كبرت لقمتك نشبتلك داخل الحنجور=وحلقك تجرحه كالموس وتنفخ لغابيبه
عبدالعزيز آلميموني10-Nov-2009, 10:21 AM
أبقاك الله يابومنصــور ..
يدوم إلك البقاء ياصـاحبي نصار ابن منصور ×× وكلاً ماشــــي بدربه وله قافن يغني بـــه
عسى الله يسقي البيدا ويجبر خاطرن مكسور ×× ولكن ياعسى عد الروى تصفي مشاريبه
نصار منصور10-Nov-2009, 12:14 PM
لو انك والد مدرب وهج ابنك من الطابور=وشكل فالخلا طابور خامس ويش تسويبه
ترى التركيز فالليزر خطر ومشاهده محظور=يحت الرمش والورع الصغير يحوله شيبه
سعد السميري10-Nov-2009, 02:18 PM
لو انك والد مدرب وهج ابنك من الطابـور
وشكل فالخلا طابور خامس ويش تسويبه
ترى التركيز فالليزر خطر ومشاهده محظور
يحت الرمش والورع الصغير يحوله شيبه
عملااااااااق ..
صح لسانك ... ولا هان الميموني
تحيتي
نصار منصور10-Nov-2009, 06:16 PM
سعد السميري ارحب ثم ارحب يالذيب
