عجمي العطاوي (يامرحبا باللي ملا الدار هيبه)

(يامرحبا باللي ملا الدار هيبه)



عني وعن كافة قبايل عتيبه=أفرادها وأعيانها وومراها
يامرحبا باللي ملا الدار هيبه=حي الرجال اللي يذري ذراها
مثل الفرج عند احتكام المصيبه=يعيد للنفس العزيزه رجاها
الشعب ولها للرجال المهيبه=روس الرجال اللي بعيدً مداها
رجال غيبتهم ماهي كل غيبه=تظلم على نجد العزيزه سماها
يالله ياللي من شكر تستجيبه=نشكرك يامرجع على الدار أباها
سلطان كل المملكه تحتفيبه=ولي عهد المملكه به تباها
ماصدقت رب الخلايق يجيبه=يضفي عليها عزها ويحماها
وسلمان دوم العاصمه تعتزي به=هو فخرها هو عزها هو ضياها
وان مسها سو البلاء تنتخيبه=ومهما ابتعد عنها عيونه وراها
اخو الفهد وامير نجد الحبيبه=ترجيه نجد ومن وطى في ثراها



عجمي بن خصيوي بن زنعاف العطاوي العتيبي

صح لسانه وسلمت يمناك على هذا النقل المميز.

صح بدنك والله يسلمك ياولد عساف