[ مع السلامة رافقـتك السلامة ] كلمات الشاعر : عبدالله متلع العضياني

السلام عليكم ورحمـة الله وبركاتة


آمل أن اكون وفقت في أختياري لـ القصيدة وهيا كلمات لـ الشاعر المبدع : عبدالله متلع العضياني

وأترككم مع القصيدة ..





معاد يحتاج اشكي الحال للناس =صار العنا في وسط وجهي علامه
بــعــد الامـل عودت مع سكة اليأس =ياحلام عمري رافقتك السلامه
الحب تـأثـيـره على كـل حـــســاس = وانـا انـجرحـت ولا عــليـه مـلامه
جرحي من اللي عينه عيون قرناس = ومن فوق حمر شفاه مرسوم شامه
وابو حجاجن منحني حني الاقواس =وابو رموشن مثل ريش النعامه
في كفه الحنا وفي عنقه الماس = ولا يـلـبـس الا واردات الفـخامـه
الزين فـيها زايد ولا لـه قـياس =فالزين انا اعطـيـها شـهادة زعامه
من بيت عز ولا تظاهر بالافلاس =دلوعـتـن من بـيـت عـز وكـرامـه
طـرتـلي الفرقـا وطـوحـت مـنحـاس = واخذت مع ذكرى الليال انسجامه
قالت علامك ساكت ولالك احساس = عجزت ارد وكـن فيني طرامه
وكتبت مافي داخلي وسـط قرطـاس = وجاوبت بنياحي نياح الحمامه
ماهوب سهل اللي ضرب قلبي بفاس = عليه غـرقـنا سبـوق العـمامـه
ماكـل صدمه عــايره تــوجع الـراس=الا الـولـيـف اللي عليه الندامـه
ياللي جرحت القلب ماعندك احساس = مع السلامه رافقتك السلامه



تحياتي للجميع ..

ياللي جرحت القلب ماعندك احساس $ مع السلامه رافقـــتك السلامه


..
.

كلمات في غاية الروعه والجزاله ابحرت بنا وانسجمنا مع القصيدة ..

يعطيك العافيه راعي الشوشلية على النقل وعلى الاختيار الموفق ..

.
.

تقبل ودي وردي

صح لسان ابن متلع ولاهنت انا اشهد امك وفقت فالاختيار

..
.

كلمات في غاية الروعه والجزاله ابحرت بنا وانسجمنا مع القصيدة ..

يعطيك العافيه راعي الشوشلية على النقل وعلى الاختيار الموفق ..

.
.

تقبل ودي وردي



اهلن بك اخي أعلامي في صفحتي وبوركت على حسن الرد والرآي

ولاهنت على المرور .. تحياتي لك

صح لسان ابن متلع ولاهنت انا اشهد انك وفقت فالاختيار


صح بدنك والله لا يهينك تسلم على الرد وعلى مرورك لصفحتي