محاورة رائعة بين حبيب العازمي وعبدالواحد الزهراني

أتمنى تكون كتابتي لها صحيحة

محاورة رائعة اعجبتني جدا وهي قبل شهور سمعت جزء منها في قناة المرقاب

كانت عند قبيلة حرب وفيها ايضا الشيخي وصقر سليم

هنا قاف البداية وقد ابدع فيه الشاعرين وحسب فهمي المحاورة تدور حول العرضة والقلطة وحبيب يقول لعبدالواحد القلطة ماهي سهلة وستواجه صعوبة في دخولها

لا تحسب ان الليالي كلها برد وسلامه.....للخلية لو تمد ايديك يآكلها نحلها

وعبدالواحد يقول ياحليلك ياحبيب انا موجود واشاكسك في قلطتكم وانت ماتقدر تدخل سوقي وتشاركني في سوق العرضة

ياحليلك يالذي يبغى العسل يصبغ طعامه....قرصتك النحله اللي منت مآكل من عسلها

وحبيب الداهية يقول لو بغيت اقتح سوقك ما منعي شي

العتيبي لو وقف في الثلج ماتبرد عظامه..ان بغى يترك تركها وان بغى يفعل فعلها

طبعا هذا حسب فهمي البسيط وقد اكون مخطئ واكيد راح استمتع بقراءة الجميع هنا لهذه المحاورة لوجود شعار كبار ونقاد على اعلى مستوى

المحاورة كامله



حبيب
مرحبا ترحيب حرب اهل الكرامه والزعامه..والكرامه والزعامه عند حرب وحرب اهلها
قالها شاعر شبابي والشبابي في مقامه....قالها والشيخ قبله قالها ويقول قلها
عبدالواحد
البقاء في منزل اصحاب الرجوله والشهامه..ياحبيب ما يشيل الفادحات الا جملها
والله انا اولاد عم واخوان الى يوم القيامه..عزوة لو ملكونا الكون مانرضى بدلها
حبيب
الحجازي في حجازه والتهامي في تهامه..والرواسي في تهامه والحجاز الله جعلها
انت يادكتورشلت الناس في ظهر النعامه ..والنعامه لو تذب الريع كان الذيب اكلها

في الحجاز لنا علامه في تهامه لي علامه..ان علمها من علمها وان جهلها من جهلها
كم نعامه ربي اعطاها الشجاعة والضخامة ..ماتشوف الذيب حتى تدعس الذيب برجلها
حبيب
الشجيع اللي ليا جاء المعركة يكرب حزامه..ان بغى قاله حماها وان بغى دار وصلها
لا تحسب ان الليالي كلها برد وسلامه.....للخلية لو تمد ايديك يآكلها نحلها
عبدالواحد
ماالشجيع الا عقيد القوم لباس العمامه.....ان بغى ينقض نقضها وان بغى يفتل يفتلها
ياحليلك يالذي يبغى العسل يصبغ طعامه....قرصتك النحله اللي منت مآكل من عسلها
حبيب
خابر انك من سعوط الجن ماحولك رخامه..مير قدامك حصاة رزاح يالمغزول شلها
العتيبي لو وقف في الثلج ماتبرد عظامه..ان بغى يترك تركها وان بغى يفعل فعلها
عبدالواحد
الصخور تشال بالتفكير ماهو بالغشامه..مامعي غير انت حمّلها عليك وتنتقلها
ياحبيب لا تكرر سالفة زرقاء اليمامه ..كحلوها بأزرق البارود يوم الله خذلها
حبيب
ماعليه ليا ذبحت لنا الجمل يكفي سنامه..البلى انك تذبح الناقة ولا تذبح فحلها
اول الحرب البسوس وتالي الحرب الرغامه..خلها في راس مفلاها تفلي منت بلها
عبدالواحد
الجمل ما ابغى اذبحه حتى يبكيك الندامه..العرب ما تنجح الا بعد تعلن عن فشلها
كن فارسنا الملثم مارضي يرخي لثامه..معركة حتى نهار البعث مجهولا بطلها
حبيب
الجمل يسحب خطامه وانت تومي في خطامه..والذهيبة لو تدورها سنه مالله عقلها
اللثامه ما وراها الا الرضا والابتسامه..والمزارع في تهامه ثومها اكبر من بصلها

حبيب العازمي وعبدالواحد الزهراني


شعراء لا يشق لهم غبار

تنافس قوي دائما بينهم ندية




ليت عبدالواحد يلتفت للمحاوره ويترك العرضة :)

عبد الوآحد ما شاء الله عليه شاعر وشهآدتي فيه مجروحه

وحبيب علم ودآيم مُبدع


الأخ فهد فيه محآوره بين حبيب وعبد الوآحد ماني حافظ منها إلا بيت إذا عندك نزلها لي وهذا البيت لحبيب



مرحبا نص بن ومرحبا نص هيل=كلها طيبه ومكمله بعضها



ومشكور طال عمرك

طاروق فل الفل وكايف لأبعد الحدود


سلمت يا فهد والمعنى أقرب قريب ما قلته أنت



الاخ عبدالكريم بالنسبه لما ذكرت
هذه المحاوره لحبيب العازمي مع زيد العضيله أعتقد أنها في نجد

مرحبا نص بن ومرحبا نص هيل** كلها طيبـه ومكملة بعضها



نعشق المستحيل ونقدر المستحيل**تحت فية سما الدنيا وفوق أرضها .