بشويش يامكبر سوالفك بشويش

بشويش يامكبر سوالفك بشويش = هرجن بدون اثبات يرجع مضره
اركد لاتغويك الشياطين وتطيش وتطيح مع جالن بعيدا مقره
بعد امتلا بطنك من الامن بالعيش = واللي يحرك راح همه وحره
بعد الحفا نبت بجناحينك الريش = وغديت شيخ وصرت راعي مبره
وتفتش بطون السواليف تفتيش = وبالكذب ميزان الحقيقه تفره
وصابك كبر مدري تكبر على ويش = ولاتقرا السلام للي تمره
والاانت ليش ومن مغنة لواويش = ضعاف العزوم اللي على كل جره
يوم الزمان اللي بعيد المناطيش = ودروب المراجل كلبوها مغره
ويوم الرمك يصتك بالخيل والجيش = وكلن من ذراعه ولله دره
كانوا جدودي يبعدون المناويش = امجادهم تكتب على كل حره
بالرمح والشلفاء وضرب المقافيش = كم جمع قومن لحقوه المضره
عاشوا عزاز وعزهم مابعد نيش = مهما الزمن يشتد برده وحره
والاانته جدودك غدوا كالدراويش = حياتهم بين المخاليق مره
ميزاعهم بين الرجال العراميش = ولالهم فالطيب مثقال ذره
جتك الحقيقه واخذها يامديغيش = وباق الكلام الله يكافيك شره

الغالي : مجول جلال
ياهلابك وألف مرحباً فيك ..
وصح لسانك ,.. ولاهان رأسك

أحترامي

اتفتش أبطون السوليف تفتيش=وبا الكذب ميزان الحقيقه تفره

الله الله
صـــــــــــــح لســــــــــانــكـ

قصيده رايعه والبيت الخامس يبدولي فيه غلط مطبعي ان صحة قراتي للقصيده

تقبل مروري

صح لسانك



قصيده بها نبرة غضب واضحه


تحياتي

قصيدة لاباس فيها

هنا تقول(ويوم الرمك يصتك بالخيل والجيش/////الرمك هي خيل/لو قلة/

ويوم اللقا ينقاد بالخيل والجيش

*راجع شطر بيتك هذا(بعد الحفا نبت بجناحينك الريـش


واغلب بيوتك غير متجانس صدرها مع عجزها000000وفيه عسف لبعض المفردات مثل

(وألا انت ليش) انت تبي لاش وهنا عسف

وماقبل الآخير000تقول(ميزاعهم ) انت تبي الوزعة اي وزعة قسمهم من الغنايم

لكن الميزاع له عدة معاني في قواميس اللغة ؟؟؟

هذي وجهة نظر مني والله اعلم ان اصبت ابها وان اخطيت المعذرة000

وصح الله لسانك000

سعد المسعودي



فيصل مطر



حمود العصيمي




مشكورين على الردود والله لايهينكم

الاخ اسمحلي مجنون ماشاء الله عليك تصلح تجي في لجنة المليون مع دكتور غسان والعميمي

صح لسانك يالغالي


لاهنت

وصابك كبر مدري تكبر على ويش
ولاتـــقــــرا الـــســــلام لــــلــــي تــــمــــره

( صح لســانك اولاً ) قصيده غاضبه ،،

ثانياً فـ البيت اعلاه دقق

السلام ماتقراه إذا جيت تسلم على احد

وتمنيت مهما كان الشخص وانا اخوك ، غلطان او ، بينك وبينه " شيء " ماتتلحق جدوده

يعني لاتكون من النوع اللي اذا غضب ( شره يعم وخيره يخص )

والله مجرد نصيحه وانت شاعر مبدع ،، لايختلف عليك اثنين

وتقبل مروري وتحيتي ، وانا اخوك .. بصدر رحب

آسف على الإطاله

بعد امتلا بطنك من الامن بالعيـش=والــلـــي يــحـــرك راح هــمـــه وحــــــره
بعـد الحفـا نبـت بجناحينـك الـريـش=وغديـت شـيـخ وصــرت راعــي مـبـره


مجول بن جلال صح لسانك


قصف ارض جو

تحيتي

محمد الذيابي




ضيف الله العالي





بناخي الايدا


شكرا على الردود والله لايهينكم

مجول جلال صح لسانك
المــوج\أبــوحـــاتــــم