الا مخون الدنيا تمني وترم أسباب ( فيحان الرقاص )

الا مخون الدنيا تمني وترم أسباب ( فيحان الرقاص )


-


الا مخون الدنيا تمني وترم أسباب = تلبس لعاشقها وهي زوجة ابليسي
وقد حذرو عنها الفقه والألباب = كلت رقبلنا ربع ٍ عليها معاريسي
ويالابس الاولس وراسك مشط بخضاب = أبحني واناابيحك ترى الرأس قدريسي
رمابي عديم الرأي في ماقع الأنشاب = وأنا مؤمن بالقدر والستر تونيسي
ولا همي الا عبرتي داخل الدباب = ومن عبرتي بكيت كل المحابيسي
هذا عقب كيف وماوة ٍ تشغب الطراب = وأنا بين ربعي كاسبين النواميسي
ونركب على قبن نقلهن هذيل ذياب = شخلهن مع التشويل در المعابيسي
مقالدهن دقاقات وضهورهن حضاب = مناب القطي ومحقنات المنافيسي
ليا غثرب الصايح ولا ذبهن الركاب = خطرهن على الناغور والا المضاريسي
عليهن غياهب روق وان حلت الأكراب = ضوارن نهار الضيق جدع الملابيسي
ونرم العشاء للطير من عيل الأجناب = باطاريف شولاً يرتع القفر ما ديسي
ونشهر بعزوتنا بعد نعرف المضارب = ويروحن منا يصقلن المناسيسي
وربعن ورانا فارقو شوفة الأحباب = عشاً للنصور وحزمهم للمفاليسي
وننقل من الصلفات ما يشعل الأصواب = غد ً من مقي الريم مثل المحاسيسي
ويا واهب التوبه على مذنباً ما تاب = برحمتك يقلع عن جميع التدانيسي
ذنوبه بلوح الحفظ مصطورة ٍ بكتاب = لو أنه كتبها ما اخذتها القراطيسي






المصدر: مجالس قبيلة الحفاه الرئيسية

...

الله يرحم الفارس والشاعر / فيحان بن ثمر الرقاص

علم من اعلام الشعر في عتيبه

لاهنت يا ابويزيد على النقل ،،،

,,


الله يرحم فيحان الرقاص


,,,,