انا ع جناح من سفر لايجي الا شاعر؟؟
العصيمي مشعل24-Jan-2012, 03:08 AM
المثل يقول والعارف يهمـــــه=العور في ديرة العميان فاقــه
كان ابه شاعر يحضّر للمهمه=لا يجيني واحد ٍ قطاع ساقــه
عزوز النفيعي24-Jan-2012, 03:25 AM
العصيمي ياعرب جاب المطمه=المثل لايق على مشعل ولاقه
من يعود فالمواقف خابت امه=يوم بذلت كل جهد وكل طاقه
العصيمي مشعل24-Jan-2012, 03:47 AM
النفاعي باغي الطيب ويخمــه=ضيعه من قدم خاله والرفاقــه
يوم ثور في قعيده قال زمــــه=بندقه عوجا ورعيانه الحاقـــــــه
العصيمي مشعل24-Jan-2012, 03:57 AM
العصيمي ياعرب جاب المطمه=المثل لايق على مشعل ولاقه
من يعود فالمواقف خابت امه=يوم بذلت كل جهد وكل طاقه
ملاحظة فيه كسر ؟؟؟
يوم بذلت كل جهد وكل طاقه
عزوز النفيعي24-Jan-2012, 04:05 AM
النفيعي مابرد وجهه ودمه=يوم مشعل صورته وسط البطاقه
ريحة البارود تبطي ماتشمه=كيف اثور فيك وعظامك دقاقه
عزوز النفيعي24-Jan-2012, 04:07 AM
ملاحظة فيه كسر ؟؟؟
يوم بذلت كل جهد وكل طاقه
ما ادري كيف تقراها يامشعل ؟؟
الشطر بالنسبه لي موزون
ننتظر لعل يجينا من يفيدنا برأيه
العصيمي مشعل24-Jan-2012, 04:11 AM
النفيعي مابرد وجهه ودمه=يوم مشعل صورته وسط البطاقه
ريحة البارود تبطي ماتشمه=كيف اثور فيك وعظامك دقاقه
خابر ك همهوم وتحب المهمــه=سارح ٍ قعود وجاين وجه ناقــه
بيركم يا صاحبي العام جمـــــه=والسنه هذي بقا فيها شلاقــه
فهيد الايدا المورقي24-Jan-2012, 04:34 AM
الله الله الله
صحت السنتكم جميع
والبيوت موزونه 100%
واصلووووووووووووووو
عزوز النفيعي24-Jan-2012, 04:35 AM
لا تعوّد بين لحيانه وفمه=لقمةٍ لن كان فيك من الحذاقه
عام الاول منزلك في راس قمه=والعشيه ماتودون الملاقه
عزوز النفيعي24-Jan-2012, 04:38 AM
الله الله الله
صحت السنتكم جميع
والبيوت موزونه 100%
واصلووووووووووووووو
صح بدنك يافهيد
ومشكووووووووووووووور
العصيمي مشعل24-Jan-2012, 04:43 AM
يالنفاعي ما بغيت ألا المخمــه=ما بغيتك يوم قربت الوساقــه
حلت بيني وبين غربان المقمـه=قوم هن اللي بهم (90) عاقه
قيس العازمي24-Jan-2012, 05:00 PM
صحت الالسن متابع
العصيمي كيف تنقد بيت موزون للنفاعي
وتأتي ببيت مكسورر
حلت بيني وبين غربان المقمه
وجهة نظر وليس نقداً
العصيمي مشعل24-Jan-2012, 05:44 PM
الى اللقا
وصح الله لسانك يالنفيعي0000والمعذرة كان حصل تجاوزات في بعض الالفاظ0000تقديري
العصيمي مشعل24-Jan-2012, 06:08 PM
صحت الالسن متابع
العصيمي كيف تنقد بيت موزون للنفاعي
وتأتي ببيت مكسورر
حلت بيني وبين غربان المقمه
وجهة نظر وليس نقداً
اظن لهجتلك خانتك وخبرتك؟؟؟؟؟
لكن احب اوضح لك
لو نطقت حلت مونث000صحيح ينكسر الشطر؟؟؟؟؟لكن
حلّت 0اقره مذكر وخفف كلمة بين الى آخرة؟؟؟؟
وحلت اي جيت بيني وبين المقصود مثال فلان حال بيني وبين الطريق؟؟؟؟هنا يستقيم البيت لاهنت
يالعازمي0
عزوز النفيعي25-Jan-2012, 02:16 AM
صح لسانك يامشعل ولاهنت
والشكر لمن مر على المحاوره
عايض جزاء العصيمي25-Jan-2012, 04:09 AM
صح لسان يامشعل
و
صح لسانك ياعزوز
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
