الناس غيّر جديد الوقت مذهـبهـا

هذه الأبيات ذات مغزى وهي مسنده على أحد الزملاء وهو محمد الصليبي الدوسري


بسم الذي محصي الأفلاك حاسبها=الواحد الخالق الرزاق والوالي
نبدا بذكره حروف القيل نكتبها=ونفصّل أبيات للأصحاب تفصالي
ونعد ماصار بالأمثال نضربها=تذكار بالصاحب المزاح وأمثالي
الصاحب اللي غدر برجال صاحبها=ماعاد ميّز سمين الفعل واهزالي
طاوع هوى نفسه القشرا ولاعبها=والنفس تأمر بسو ألوان وأشكالي
ليته ردع نفسه السيه وحاسبها=وفكر بمخراج حاله قبل مدخالي
الرجل لابد مايعرف عواقبها=ويحسب حسابه بأمور مالها تالي
ويقيس قبل الغطس وش بعد جانبها=يازن ولاينقص الميزان مثقالي
واليا شرا سلعة من عند جالبها=يوفي ثمنها ولا يحتال بريالي
واليا جلب سلعة دوّر لطالبها=يأخذ ثمنها لاصار البيع في الحالي
الناس غيّر جديد الوقت مذهبها=صار الردي عندهم من عد الأبطالي
وعاداتهم وقتنا عكّر مشاربها=هزّ أرضهم طبعهم وأمست بزلزالي
وأعود للي سرق خلفه وعذبها=عقب أصطبح شاتها ياناس بنعالي
ماقدّر أنعام ربي هان جانبها=ماكرّم أم الشمايل قدرها عالي
والله لو أقضبه ليديه أشذبها= وأقطع يمينه من المفصل ولا اسالي
وأفرّ رجليه للغارب وأعقبها= وآطا على صابره وأكويه بالصالي
تكفى يابو ناصرأشرحلي سبايبها=ليش العرب تنكر الأحسان وافضالي
يابن الصليبي عساك اليوم طيبها=من يقضي الدين للديان ميبالي
يامحمد أنته سند من قام يجذبها=دلون تصافق على مطوية الجالي
وأسلم ودملي عدد ماخط كاتبها=واعداد ماهلت الأمزان همالي

مع تحياتي

أخوكم / أبو طلال

صح لسانك

قصيدة جزله وجميلة

تحيااااااااتي

الرجـل لابـد مايعـرف عواقبهـا=ويحسب حسابه بأمور مالها تالـي
ويقيس قبل الغطس وش بعد جانبها=يازن ولاينقص الميـزان مثقالـي
واليا شرا سلعة من عنـد جالبهـا=يوفي ثمنهـا ولا يحتـال بريالـي صح لسانك

لاهنت وصح السانك

أشكر للجميع مرورهم وكلماتهم الطيبه

ولكم تحياتي

أبو طلال

...

صح لسانك
وابداع غير مستغرب..
اخوك

شكرا على مرورك ،، وأشكر لك ثناءك على ما أنشر من قصائد

ويسعدني أهتمامك بأعضاء المنتدى وإن دل على شيء فإنما يدل على حسن إدارتك للمنتديات،،
أتمنى لكم المزيد من التقدم

ولك تحياتـــــــــــــــــــــــــــــــــــــــــــــ ــــي