يالحـون العـود والا يامجاريـر الربابـه @ اختلف معنا القصيد وضيـع الفنـان فنـه

السلام عليكم ورحمة الله وبركاته

هذه القصيده وصلتني بالايميل حق العمل واحببت ان انقلها لكم ....

الشاعر: للاسف ما اعرفه .....



يالحـون العـود والا يامجاريـر الربابـه=اختلف معنا القصيد وضيـع الفنـان فنـه


حلم مدري علم مدري نوض برق في سحابه=اثرها طلت جبينـه يـوم زاح اليـل عنـه


اقبلت مثل الفرس لا سمعت طبول الحرابـه=مقتفيها ليل (ن) اسـود والنجـوم يفرقنـه


النهار يمـر ويعـدي وليلـه فـي عقابـه=النحر صبح (ن) تجلـى والجدايـل كنهنـه


مخمل (ن) يلتف فوق الجيد الاتلع بالنيابـه=عن سلاسيل الذهب والماس خوف يجرحنه


غاب عنّي والوله خلاّه عندي فـي غيابـه=مادرى ان فرقاه نار ولا درى ان لاماه جنّه


ياوجودي وجد من صفّق على ماضي شبابه=بان شيبه والسنين اللـي يبيهـن خالفنّـه


غرّته خضر السنين وراح عمره مادرى به=غرّرنّـه وارفعنّـه ليـن سـجّ وحولـنّـه


وياوجودي وجد عودٍ لا عيـال ولا قرابـه=ماجـداه إلا يـونّ ويـردف الونّـه بونّـه


مالقى فزعة رفيـق ولا دعـاةٍ مستجابـه=وكلّ ماامساله بظـنّ خيّبـت الايـام ظنّـه


هذا وجدي في غياب اللي نزح والله جابـه=صح فرض الله فرض وسنّة المرسول سنّه


الغلا جسمٍ رقيق ومرهف احساسـي ثيابـه=مثل غصن الورد يـوم الهبايـب يطرقنّـه


مازرعت إلا غـلاه ولا نقلـت إلا صوابـه=والحشا ماضاق من خضر الطعون المستكنّه


ياحبيبي مازها كفّ الخضـاب إلا خضابـه=فيه نظم المفـردات وفيـه للعشّـاق عنّـه


الظبي ماله شبيـه وبينـك وبينـه تشابـه=إلتفت بشويش وألقى فيه منك وفيـك منّـه


خالقك من فضّل محمد على كـلّ الصحابـه=وسخّرك مثل المهار اللي تسخّرها الأعنّـه


والثنا والشكر للي رحمتـه تسبـق عذابـه=لا لخلـق الله فضـل ولا لخلـق الله منّـه


قاله اللـي ماخـذا ممـا يريـد إلا هبابـه=خيرة الفارس ثنيّة خيـل صفـراً مستعنّـه


وسلامتكم

تسلم يمناك يابن نعيس

القصيده لشاعر سلطان الهاجري

صح السانك والسانه

تحياااااااااااااااااااااااااااااااااااتي

الدلبحي

الله يسلمك وصح بدنك
ومشكوور على اتحافنا بشاعرها


مشكوووووور على تواصلك الدائم


تحيااااااااااااااااااااتي

صح لسان الهاجري


وتشكر على نقل هالرائعه يالغالي


تحياتي

فيصل المسعودي

يعطيك العافيه


مشكووووور على تواصلك الدائم



تحياااااااااااااتي