الرخوم : للشاعر عبدالله بن عميره

«®°·.¸.•°°·.¸¸.•°°·.¸.•°®»ياللي تقـول المرجلـه ورث جـدّي
وانك على روس الطويلات مفطـوم
فعلـك رديٍ وانـت معـه متـردّي
ولالك مع اهل الطيب عادات وسلوم
ابلتفت لك عقـب مابـاح سـدّي
وانا ليامن قمت تـدري مـن يقـوم
سفهتك وشفتـك تماديـت ضـدّي
وانا بكثـر الهـرج مانيـب ملـزوم
مانيب مثل اللـي يجيـب ويـودّي
يروح لـه بعلـوم ويجيـك بعلـوم
لاصرت انا فوق الشواهـق معـدّي
ماضرّني لامن نبح "سافـل القـوم"
انـا قصيـدي واصـلٍ ومتـعـدّي
الكل يشهد لي من اصحاب وخصوم
ربعي "عيال مغيّر" وصلـب جـدّي
واللي ماهوب منهم مقدّر ومحشـوم
"آلاد روق" امجـادهـم ماتـعـدّي
مورّثيـن العـز فرسـان وقــروم
وانته عمـا رايٍ ولا لـك مقـدّي
تمشي على عمياك واطـي ومذمـوم
مالك يبـو وجهيـن عيـنٍ تلـدّي
تضحك بوجهي وانت حاقد ومكتوم
مانتب كفـو يمنـىً لمثلـك تمـدّي
ولانتب كفو شرهه وتستاهل اللـوم
وان عـوّدَت للمرجلـه والتحـدّي
والله لاخلّي تاليـة شمسـك غيـوم
خذها وانا "ابن عميره" وجـاك ردّي
انت رخمه .. واللي يرزّونك رخوم!!
«®°·.¸.•°°·.¸¸.•°°·.¸.•°®»

مشكووووووووووووووووووور اخوي على القصيده الراائعه