راحة البال ( لبادي الرجم )

ياما حلا قطع الفيافي والاطعاس = بعيد عن صوت العرب واللجاجه

ممشن على دارن بعيدات الارماس = قطعن خلا محدن من الناس داجه

مافيه غير من الهباهيب نسناس = اوحش الخلا يرعى حياه وخراجه

برفقة مشا كيلن كرامن من الناس = من شوفهم للظيق فيه انفراجه

ناسن يحبون التمشي والا وناس = كلن يبا الجزله وفلت حجاجه

أنحاش عن ناسن يسوون الأدناس = ناسن يحبون الخطى والعواجه

وعن كل نمامن وواشي وبلاس = ومدورة هرج القفا والسماجه

البر عندي شوفته تذهب الباس = لاصار لي به روجتن وارتواجه

انشد عن علوم الحيا كل عساس = ويشوقني برق الحيا وانبلاجه

يزيدني قطع الخباخيب نوماس = وتزيد فرحة خاطري وابتهاجه

عندي نواحيها لشمات الأنفاس = أحسن مية مره من أرض الخواجه

الجو صافي والحيا كنه لباس = اوجه القمر يسرج علينا سراجه

والنار تشتب والمناعير جلاس = وقطابنا موجود من كل حاجه

من ضمنها دله ونجرن ومحماس = يا زين حمس البن من فوق صاجه
نتعب على بريتن تقعد الراس = من شربها الضرمان يعدل مزاجه

والعصر محلا هدت الطير قرناس = يهجم على صيدن كثيرن هجاحه
من عقب ياخذله مع الجو مرواس = يشهر مخاليبه على مايواجه
هذا هوا نفسي وكيفي ولا باس = كلن على كيفه يدور خراجه
وصلاة ربي عد مادن رجاس = وعداد مانجمن بدا بالتعاجه
على رسولن للمخاليق نبراس = اللي نشر دينه وأقام اعوجاجه

.
..

الله الله يا بادي الرجم :)

صح السانك .. مبدع . وجزل

تقبل تقديري .. ومودتي ..

..

صح لسانك

وجزل

ولك التقدير والإحترام

هذا هوا نفسي وكيفـي ولا بـاس
كلن على كيفـه يـدور خراجـه
وصلاة ربي عد مـادن رجـاس
وعداد مانجمـن بـدا بالتعاجـه
على رسولن للمخاليـق نبـراس
اللي نشر دينه وأقـام اعوجاجـه
....
اللهم اصلي على محمد واله وسلم
بيض الله وجهك يابادي الرجم على الابداع
....
اخوك
...

اللهم صلي على نبينا محمد



صح لسانك يابادي الرجم قصيده جزله ومشوقه وبيض الله وجهك

رائعه

ولك كل الود ولاحترام

صحت ابدانكم جميع

ولكم كل الشكر والتقدير على هذا المرور والاطراء الجميل

والله يقدرني على تقديم مايحوز على رضاكم

ياما حلا قطع الفيافي والاطعاس = بعيد عن صوت العرب واللجاجه

ممشن على دارن بعيدات الارماس = قطعن خلا محدن من الناس داجه

مافيه غير من الهباهيب نسناس = اوحش الخلا يرعى حياه وخراجه

برفقة مشا كيلن كرامن من الناس = من شوفهم للظيق فيه انفراجه

ناسن يحبون التمشي والا وناس = كلن يبا الجزله وفلت حجاجه

أنحاش عن ناسن يسوون الأدناس = ناسن يحبون الخطى والعواجه

وعن كل نمامن وواشي وبلاس = ومدورة هرج القفا والسماجه

البر عندي شوفته تذهب الباس = لاصار لي به روجتن وارتواجه

انشد عن علوم الحيا كل عساس = ويشوقني برق الحيا وانبلاجه

يزيدني قطع الخباخيب نوماس = وتزيد فرحة خاطري وابتهاجه

عندي نواحيها لشمات الأنفاس = أحسن مية مره من أرض الخواجه

الجو صافي والحيا كنه لباس = اوجه القمر يسرج علينا سراجه

والنار تشتب والمناعير جلاس = وقطابنا موجود من كل حاجه

من ضمنها دله ونجرن ومحماس = يا زين حمس البن من فوق صاجه
نتعب على بريتن تقعد الراس = من شربها الضرمان يعدل مزاجه

والعصر محلا هدت الطير قرناس = يهجم على صيدن كثيرن هجاحه
من عقب ياخذله مع الجو مرواس = يشهر مخاليبه على مايواجه
هذا هوا نفسي وكيفي ولا باس = كلن على كيفه يدور خراجه
وصلاة ربي عد مادن رجاس = وعداد مانجمن بدا بالتعاجه
على رسولن للمخاليق نبراس = اللي نشر دينه وأقام اعوجاجه


صح السانك يابادي الرجم


جزله ياجزل


تقبل اعجابي

...
..

بادي الرجم

صح لسانك وسلم قلبك يامبدع

كعادتك جززززل


مودتي

.

أخوي بادي الرجم

صح السانك .. مبدع . وجزل

تقبل تقديري .. ومودتي

صحت ابدانكم جميع

ومشكورين على هذا التواصل الدائم