نصيحة للشاعر سعد بن عماش بن خرصان الحافي موجهه لابنه (موفق)

( بسم الله الرحمن الرحيم )

نصيحة من الشاعر سعد بن عماش بن خرصان الحافي لأبنه/ موفق


يـــــا مــوفــق الأيــــام عــيــن يـطيـعن=لــــو أقـــبـــلـــن يــا عجــلـهـن بالتقافي
أوصــيــك زال إنـك عــلـى طـلعة السن=فــي طــاعــة الــمــولى وسـيـع الكنافي
ثــــم أذكــــره يــوم الـخــلايق يـنـامـــن=الله عــلـــــيـــم الـبـيــنـه و الــخــــوافي
تـــرى الـلــيــالــي للـعـرب مـا يـدومـن=دنـــيـــا تــدور و لا لــهــا جـال صـافي
لــو ضـحــكــت دنـيـاك لا بـد تـطـــعـن=مــفـــرقـــة جـمــع الـقـلــوب الـــولافي
و تـرى السخاء يبري القـلـوب المحـزن=و راعـيـه فـي الـدنـيا وفـي الـدين وافي
أكــثر من الـهـيـل الخضر واحمس البن=ورحــب لــيــا جــوك الــنــشــاما لوافي
و احـــذر ركـــايــبـهــم لــبــيـتــك يعدن=تـــرى الــردي يــتــرك محــله عــيافي
قـــل مـرحـبـا يـا الـربــع عـدد خـطاهن=و إعـداد مــا تــذرى هـبـوب الـســوافي
و عجــل قـِرَاهـم و احـذر إنـك تـمــاهن=الـبـخــل لا يـضـفـي عــلـيـك الـلـحـافي
الـبـخــل لا يطـرحـك مـع هـن ابـن هـن =الـلـــي مـجـــوده الـــردى بــالـــكـتـافي
الـمــرجـلـه مـا هـيـب بـالـقـول والـظـن=بـالـفـعــل يـا ريــف الـركـاب الـهجـافي
ذخـــرت لــك نـجـــر يـشــوق الـيــا دن =و صـيـنـيـة تـبـهــج صـدور الـهـجــافي
إلـهــن عـلـيكـم حـق وإلـهـن بـعــد قـن =و أحـــذر تـضـيــع حـقـهــن يـالـسـنافي
هــذي و صـاتــي لـك ولا تخـلف الـظن =أرجـي لـك الـتـوفــيــق بــيــن وخـــافي

* الشاعر/ سعد بن عماش بن خرصان الحافي العتيبي رحمه الله

صح لسان الشاعرسعد ابن عماااش


وصح لسانك يابن خرصااان


دمت بود وعااافيه

يعطيك العافيه

... ولك التقدير والإحترام

رحم الله الشــــــــــــــــــاعـــــــــــــــــر واطــــــــــــال في عمر ابنـــــــــــائه

وعلى ماظن ؟؟

ان موفق المعني بالقصيــــــــــده خــــاله

الشيــــــــــــــــــــــخ / محــمـــــد بن عبدالله بن عليـــان الحـــــافي رحمه الله ,,,,

وان له صولات وجولات في قبيلة عتيبـــه وكـــــــان شاعراا فحــلا

اتمنـــــــــى بتزويدنـــا بسيرته العطره وقصــــــــــــــائده


تحيــــــــــــــــــــــــــــــاتي ,,,,,,

الأخ ص ق ر مشكور وجزاك الله خير وللاحاطه (موفق ) بناخي الغنانيم ذوي عسكر اما بنيخي ابن عليان الله يغفر له ولوالديك والمسلمين فهم فاروق وفواد المذكور اسمه بقصيدة (النجر) بهذا المنتدى ووالم وعبدالله وسوف اطلب من ابناءابن عليان انزال قصائده بهذا الموقع ان شاء الله

رحمه الله

ابن عماش

وقصيدة فيها من الحكم الشي الكثير

مشكوور على القصيدة

::مودتي::

مشكور على القصيده وتراكم يابن خرصان عوانن لنا

بيض الله وجهك وشكرا للمتابعه والاهتمام

صح لسان الشاعر

ولاهنت على النقل يــــــــــا ابن خرصان



دمتم بصحة