طاروق

السلام عليكم ورحمة الله وبركاته


اخواني يسعدني ويشرفني أن اكون بينكم وهذا اول مشاركه لي


واقرب شاعر.........


سلامي على الهيلا من الروح مبداه=شبابي وبسمي افتخر من شبابه

ترى اللي ورد متحيزم أحزامه رشاه=ولا يروي العطشان شوفةسرابه

حياك الله ياحمود

هلا مرحبا ترحيب ياطيب الجاة= شبابي وجا في المنتدى مع عتابة
يبا يشرب الضامي ويروي ضماياة=على حيد هداجاً مصفى شرابة

يامرحبا يالحربي وحياك الله بين ربعك شبابه
وصح لسانك
وصح لسانك يازيزوم مدرك
وعلى القوه

الله يعطيكم العافيه والله يبارك فيكم والله من طيبكم ياعتيبه الترحيب الطيب

وصحت السنتكم جميع ويالربع والله مدري اارد على مين

سامحني يالنشمي يابن العم
وصح بدنك
ولا علاك زود ياحمود

واصل انت وزيزوم مدركه
وعلى القوه

حياك الله ياحمود

هلا مرحبا ترحيب ياطيب الجاة= شبابي وجا في المنتدى مع عتابة
يبا يشرب الضامي ويروي ضماياة=على حيد هداجاً مصفى شرابة

صح لسانك


يدوم البقاء والقرم ماتقَصر خطاه=على أهل الوفاء والطيب متعب ركابه

ترى العد يازيزوم حنا وردناه=نبى ناخذ ونعطي ونلقى إجابه

توكل على الله منت محري بمضماه= ماقدمك ياحربي الا قنيب الذيابه
يبا يتعب الطرقي وتتعب مطاياه= وهو مالقى ياحمود شياً هقابه

توكل على الله منت محري بمضماه= ماقدمك ياحربي الا قنيب الذيابه
يبا يتعب الطرقي وتتعب مطاياه= وهو مالقى ياحمود شياً هقابه


تقدم على الله يحفظ الدرب من جاه=وأنا مالفيت أهيم وسط الشعابه

يبى يتعب الطرقي ويلقى ما رجاه=ويلقى جوابه كان قدم خطابه

بدانا سوا في كتابنا اللي قريناه= وانا اخيل براقاً يرازم سحابه

من اليوم ادور شي عجزت لاالقاه=وان مانويت بكسر قوس الربابه

الله الله
صح لسانك ياحمود
وصح لسانك يازيزوم
والليل الليل عاشو عاشو

صح بدنك يالنشمي

بدانا سوا في كتابنا اللي قريناه= وانا اخيل براقاً يرازم سحابه

من اليوم ادور شي عجزت لاالقاه=وان مانويت بكسر قوس الربابه


تشوف السحاب اللي سقى الارض من ماه=وتقصر بشوفك لجل مروي ترابه


ترى اللي بنى يالقرم بيعز مبناه=وأنا مابنيت البيت بصك بابه

اخوي النشمي صح بدنك واشكرك على المرور

تخيل المزون بعيد سيلاً ومنحاه= تعين لقبراً ماوضعله نصابه

عينت الامير اللي طرح جنب شلفاه= عسى ياحمود الشيخ كرم جنابه

ألا ياعتيبه مالفيت أبحث خفاه=ولكن بعض العلم لا يندرابه
ياليت الزمان يعود ويعود ذكراه=تشوف الفعول وكل ماينجرابه

ولا ياحمود انقدلك اريال وجناه= ولا يمسك سيفاً بليا نصابه

لو اتصيح للي في جبال المسماه=تتسرون والنيران تبقى غرابه

انا ماني بحاجة نقوده بمخباه=وترى السيف يحفظ ياولد في جرابه
أنا لو زهمت يجيك بحر" من أقصاه=ويثبت لنا التاريخ حرب الحرابه

عساك الشجيع ان قلت قولاً بتحماه= واقدملك الفنجال طيب وذرابه

تعشق المقاتل صبح والعصر تشناه=وتقنع ولا للثار عندك طلابه

ترى القول ماعدنا يازيزوم وراه=ومشروب فنجالك وعلمك هلابه
ذبحنا الشيوخ اللي يقدون العباه=وعزالله اللي قال هاليبت جابه

ذبحنا الشيوخ اللي يقدون العباهوعزالله اللي قال هاليبت جابـه

اخوي حمود راجع بيتك

هلا اخوي زيزوم اشفيه البيت كسر

اثر صاحبي بلاه من داه ودواه=ولا ياحمود الشعر ماهو كتابه

ياليتك تذكر كم عقيداً طرحناه=برد البرى والدم باين خضابه

ترى شعرنا منحوت من فوق الصفاه=ولدري علام القرم ضيع حسابه
عسى القبر يازيزوم يفرج لموتاه=وتوضح لك الصوره فعول الذيابه

صح لسانك يازيزوم والله يعطيك العافيه تشرفت باللعب معك وختامها عندك واعذرنا على القصور

ترى شعرنا منحوت من فوق الصفاهولا دري علام القرم ضيع حسابـه

ثاني مرة راجع بيتك

الله يشرف مقدارك الشرف لي ياخوي حمود

وختامها السلام عليكم وسامحني وانت الله يبيحك

اخوي البيت مافيه شي الله يعطيك العافيه وراجع حسابك

ولا دري صارت ولدري لزوم القراءه