في ملتقى الهيلا لنا عز محضار

أعضاء وإدارة منتديات الهيلا

السلام عليكم ورحمة الله وبركاته

يشرفنا آن نشارك معكم بهذه القصيدة

التي تعبر عن الوطن

ونتمنى أن تحوز على رضاكم



في ملتقى الهيلا لنا عز محضار=حقا علينا نجيلها في وعدها
العزوة اللي تكرم الضيف والجار=قوماً يساعدنا السعد من سعدها
جمعت مناعيراً مشاهير واخيار=حضرة نمور الغاب بحضور أسدها
نعم الأمير مشيدا كل الأطوار=باني صروح المجد حامي سندها
مشعل جعل لهل المواجيب معبار=رسالة تبقى على طول أمدها
نبني حضارتنا على طيب الأثار =أما حفظنا أثارنا وش بعدها
وليا تباهو بالمثايل والأشعار=يطيب لي يوم أستوي من جردها
في جوف صدري قدح وزنود ووجار=وبروق مزنا ما يهود رعدها
أطب في جوف المغاتير واختار=أسبك بيوت الشعر قبل أعتمدها
وليا تصاف لي مجاديف الأفكار=أسوقها يالين يافي عددها
مادام حطوا للمطاليق مضمار=الوافية بالعرف تظهر بيدها
خل القوافي تلعب النار بالنار=يحل روس حبالها اللي عقدها
أحدا يجيب اللول من غب الأبحار=يستاهل المرجانة اللي وجدها
واحدا يحاول يقتطف زاه الأثمار=واللي يقدم وردها مازهدها
وانا أهتويت النحت في صم الأحجار=تصعب علي اللي بالحبر ينتقدها
يالله ياعالم خفيات الأسرار=يا عالم غيب الليالي ومددها
يا مبصرا شوفه على كل الأبصار=يا محصين ماض الأمور وجددها
تحفظ بلادي من مقادير الأخطار=بأمن وأمان وعزها في رغدها
يوم كلا لاتباهى وله دار=لي ديرة رب البرايا فردها
دارا لها في كون رب الملا كار=متعلياً باعلى المعالي مجدها
دارا لها شيمة وقيمة ومقدار=مكة وطيبة من ضواحي بلدها
الله حماها من غدر كل غدار=ومن عزة المولى قويا عتدها
مهبط وحي تافد لها كل الأقطار=قبلة هل التوحيد في معتقدها
يا منبع الإسلام يا دار الأخيار=صفوة جميع الخلق واللي بعدها
دار الرسول اللي بلغ كل الأمصار=رسخ مناهجها وحطم لحدها
مآثرة عمت على كل الأنبار=ورسالته بكّرم طريقة مهدها
أخابها بين المهاجر والأنصار=أهل الصحاف اللي متينا سندها
واللي بعدهم بر فيها ولا بار=أضفي عليها من الحلايا جددها
مرت عليها سنين ودهور وادوار=ولا شامت ألا لمن يقوم بعهدها
تنافسوا فيها وفيين الأشبار=وقاموا عليها لين كلا شهدها
وواضب عليها كل شهما ومغوار =حتى استعدت واينع لنا رغدها
يجب علينا الشكر دوما وتكرار=ولا دامت النعمة على من جحدها
أم تضم أحضانها صغار وكبار=سعد العيون اللي تداوي رمدها
سباقه للخير وقت الأضرار=لاحاجت الملهوف ياصل مددها
تحكم بشرع الله وهدية والأثار =مبنى على نصب الشريعة وتدها
أعلامها التوحيد وسم الله شعار=ما نقحت روس الطغوس تعبدها
أملوكها لارض الوطن عز وستار=أرواحهم وأجسادهم من جسدها
آل السعود اللي لهم في الوفا ثار=أهل البيوت اللي طوالا عمدها
أيمانهم بالجود للكل مدرار =وخيراتهم فالأرض كلا وجدها
قيادها حكام وشعوبها أحرار=ياخادم البيتين للعز قدها
شعبك يعاهد بالولا سر وجهار=قوما تتعاهد ما تغير عهدها
تامر وحنا للمواقيف حضار=نذود لحياض المنايا ونردها
السيف للي يخلف العهد بتار=روس العداة عن الوجود نحصدها
حنا حمات الدار ياخاين الدار=ننقض حبالا فتلت ونعقدها
أقسم برب البيت لوصار ما صار=أرواحنا لدار الكرامة سددها
يا ما نثرنا دونها الدم هدار=ولي بذله أجدادنا أمر وأدها
فيها ربينا من نعومات الأظفار=وأجسادنا باطراف ثراها لحدها
دار تحلى بالمكارم والأوقار=يالله يا معبود بالخير زدها
أشفق عليها كل ما غيب واغتاب=سعادتي تكمن بداخل سعدها
يستاهله من واصل العزم باصرار=وهيمن على عالي الصعاب وصعدها
ويستاهله من يطلب العلم محتار=اضفي على عقولا سليمة رشدها
ويستاهله من يمتطي قحص الأمهار=من سل صقلات السيوف وجردها
ويستاهله من غاص غبات الأبحار=من حف بأعماق المقادير ودها
ويستاهله من شرب جرعات الأمرار=ومن حس بالام الجروح وضمدها
ويستاهله من رافق الذيب فالغار=ومن سهر ليلات الدجى مارقدها
ويستاهله من يكرم الضيف والجار=واللي على طيب المزايا فردها
ويستاهله من لطف الجو بأشعار=ومن صاغ زينات اللحون وقصدها

صح لسانك

وبيض الله وجهك

الله يصلحك ياصالح

تمتلك كل هذا الابداع وغايب عنّا؟؟؟؟؟؟؟؟


صح لسانك ياغالي وننتظر منك المزيد

...
صح لسانك ياصالح ..
جزله وشامخه تستحق الثناء والاعجاب ...

صح لسانك

وبيض الله وجهك


ماجد المسعودي

صح بدنك

وشكرا لمرورك

الله يصلحك ياصالح

تمتلك كل هذا الابداع وغايب عنّا؟؟؟؟؟؟؟؟


صح لسانك ياغالي وننتظر منك المزيد


معجب العتيبي

تقبل الله منا ومنك يا اخوي معجب والجميع


ونوعدك بالمزيد بمشية الله

...
صح لسانك ياصالح ..
جزله وشامخه تستحق الثناء والاعجاب ...


مرزوق حمدان

صح بدنك

وشاكر لك مرورك

صح لسانك ياصالح على هالقصيده الأكثر من رائعه..

ابدااع في كل بيت..كفيت ووفيت

لاتحرمنا من جديدك

صح لسااانك


صح لسااانك


قصيده جزله من راس جزل