الشاعر العتيبي الموجود يحضر
رفيع المنزل30-Jul-2008, 04:04 AM
سلام من عند ابن وايل للرجاجيل الكرام=عتيبه الهيلا ومن جاب العلوم يردها
مافيه فارق بيننا بالفعل والا بالكلام=جبتو كما جبنا ومن شاف الحقيقه عدها
العصيمي_1030-Jul-2008, 08:44 AM
يسعدنا اللعب معك يابن وايل
استلم
يامرحبا بك يابن وايل بعد رديت السلام=ترحيبة تشبه لحد السيف يلمع حدها
حنا عتيبه قسمنا بالمرجله ذروت سنام=وانته ونعم بك جميع الناس كاسب ودها
رفيع المنزل30-Jul-2008, 05:19 PM
ويسعدني اللعب معك ايضا
دام البقا والمحترم يفرض عليك الاحترام=اخذ العلوم اللي ظهر لك مزحها من جدها
والنعم يالعتبيان لكن السما فوق الغمام=والناس ماتلبس ثياب الاثياب قدها
مرزوق حمدان العتيبي30-Jul-2008, 06:29 PM
..
.
حنا عتيبه قسمنا بالمرجله ذروت سنام
وانته ونعم بك جميع الناس كاسب ودها
الله الله يابن عاصم ابداع
...
والنعم يالعتبيان لكن السما فوق الغمـام
والناس ماتلبس ثيـاب الاثيـاب قدهـا
ياسلام عليك يارفيع المنزل ..
..
واصلوا والله يحيي الجميع ...
سعود الحصين30-Jul-2008, 06:44 PM
أبداع
رفيع المنزلة
العصيمي
يعيطــــــــــــــــــــــــيــــــــــــــــكم العافيه واصلووووو يشعااار
سلام من عند ابن وايل للرجاجيل الكرام
عتيبه الهيلا ومن جاب العلـوم يردهـا
مافيه فارق بيننا بالفعـل والا بالكـلام
جبتو كما جبنا ومن شاف الحقيقه عدها
يامرحبا بك يابن وايل بعد رديت السلام
ترحيبة تشبه لحد السيف يلمـع حدهـا
حنا عتيبه قسمنا بالمرجله ذروت سنام
وانته ونعم بك جميع الناس كاسب ودها
دام البقا والمحترم يفرض عليك الاحترام
اخذ العلوم اللي ظهر لك مزحها من جدها
والنعم يالعتبيان لكن السما فوق الغمـام
والناس ماتلبس ثيـاب الاثيـاب قـــــدهـا
العصيمي_1030-Jul-2008, 06:48 PM
اهرج وسولف ياعميلي مير لاتنسى الحزام=شد الحزام ان وصلت الدعوه معاك لحدها
انته على ماقيل تلقى ماتريده في الحلام=يوم العتيبي مرهب اخصامه ولاعن جدها
العصيمي_1030-Jul-2008, 06:49 PM
مرزوق العتيبي
سعود الحصين
صحت ابدانكم ولاهنتو على التواجد ياعزوتي شرفتونا لاعدمناكم
رفيع المنزل30-Jul-2008, 09:23 PM
ياللي توصيني عيونك بالمساري لاتنام=وان كان في خاطرك كلمه للنشاما بدها
الله جمعنا هات علمك لانلحقك الملام= ترى الهروج اللي بدون فعول عيب ٍ عدها
العصيمي_1030-Jul-2008, 10:02 PM
عيني تشوف البرق لامنه برق شرق وشام=يالي تجيب علوم لاصحاب المعرفه ودها
صل الفرايض والسنن ياخوي في البيت الحرام=يمناك تقصر للصحن والعين زايد لدها
رفيع المنزل30-Jul-2008, 10:46 PM
انا علومي يالعتيبي كنها حد الحسام=ولاتجيني منك كلمه غير تلقى ضدها
الحمد لله عابدينه بالصلاه وبالصيام=يوم العرب دارت ولفت ثم بيح سدها
العصيمي_1031-Jul-2008, 01:59 PM
الله عليكم يابن وايل والهمام ابك الهمام=طق الخيام اليوم من بعد المباني هدها
مادام تلقي في حياتك ياولد رز ويدام=اقول لك ياصاحبي عش الرجال وغدها
رفيع المنزل03-Aug-2008, 03:49 AM
العذر على التاخير في الرد وارجو انك تقبل ردي يالعصيمي
سكنت في وسط القصور وكنت تسكن بالخيام=اذكر هل المد الجزيل اللي وصل لك مدها
مادام عايش يالعتيبي وانته اوضاعك تمام= تحمد الله واجتنب حاجات ماانت بقدها
فهد العطاوي55503-Aug-2008, 04:26 AM
الخير واجد وانا على احسن مايرام
والله كفيل بالخلايق بجزرها وبمدها
وانت كاتب اسمك شاعر ويالله للامام
والكلمه الي قلتها لاتنزوي في ضلها
تقبلوا خالص تحياتي
أخوكم
فهد العطاوي
وآسفين على المداخله وشكرآآآآآآآآآآآآآآآآآآآآآآآآآآآآآآآ
عبادي المقاطي03-Aug-2008, 06:06 AM
الله يعطيكم العافيه يالربع
رفيع المنزل ابن وايل + العصيمي 10 = ابدااع ولازلت متابع الابداع
العصيمي_1003-Aug-2008, 03:07 PM
معذور يالغالي ولنا لقاءات قادمه باذن الله والشكر موصول للجميع على التواجد
سكنت في وسط القبور الي يحاوطها العسام=يوم ان عليك الناس سكين الذكاة تحدها
الطق قد قال الزلامي كثره يفك اللحام=واما عنزه طقه وحيده من يميني تهدها
رفيع المنزل03-Aug-2008, 09:43 PM
نلتقي على خير باذن الله
هذا السكن يابن العتيبي ينتظر كل الانام=مار اتق الله وان طغت نفسك عليك تصدها
ليتك تنشد يالعتيبي عن خوالك والعمام=ترى عنزة مافيه بين الناس ناس ٍ ندها
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
