نبا شاعر(ن) منكم يسد المطاليب00
خــالد الحربي26-Aug-2008, 07:34 PM
السلام عليكم ورحمة الله و بركاته
مساكم الله بالخيرجميــع
سلامي على أهل العز و المجد و الطيب= رجال(ن) لهم فالوقت قدر و مكانة
نبا شاعر(ن) منكم يسد المطاليب= و كل(ن) على ما قيل سيفـه لسانه
سعود العصيمي26-Aug-2008, 08:01 PM
هلا مرحبا ترحيب موفي المواجيب = عن اللي بهم عن الردية حصانه
وصلك العميل اللي يعسف الاصاعيب =وكلٍ من العراف ينزل مكانه
عبدالرحمن الهيلوم26-Aug-2008, 08:07 PM
ص ح ت السنتكم ياالغالين
العموووووووووووووووووم متاااااااااااااااااااااابع
وفالكم التوفيق
ويالله الليل بااوله
خــالد الحربي27-Aug-2008, 04:20 PM
يدوم البقا بك يا حصان الأطاليب= و علم الأمانة عند راع الأمانة
بعد جيتنا يا سعود ما عنك تجنيب= وأنا خابرك شاعر و سيعٍ بطانه
سعود العصيمي29-Aug-2008, 08:42 AM
خالد الحربي آسف على التأخير
لاني نسيت الموضوع واحسب انك واصلت انت وحومل .
بعد ما قلت له واصل مع خالد لاني مضطر اطلع. يعلم الله.
استلم متى جيت:
تفضل على قدر اللحى والاشانيب = وراع الامانه خل شأنك بشأنه.
بعد جيت ياخالد وجبت المكاتيب = تهرج وكلٍ ينعرف من سنانه
خــالد الحربي29-Aug-2008, 07:17 PM
وألا يالعصيمي يطلـع النجم و يغيب= ولا فيه نجم اخر يجي في مكانه
ترى الذيب يقنب في طوال المراقيب= ولكن عساك بحفظ ربي و أمانه
سعود العصيمي29-Aug-2008, 11:29 PM
تراني عتيبيٍ عطيب المضرايب= لياجيتنا بالعلم تاخذ ضمانه
يقول المثل للذيب ياصاحبي ذيب = لياعارضه فالدرب زعزع كيانه
خــالد الحربي30-Aug-2008, 02:59 PM
صـح لسانك يالعصيمي و لنا لقاء اخر إن شاء الله
فلاج الممخور30-Aug-2008, 03:31 PM
خــالد الحربي30-Aug-2008, 04:21 PM
عبدالرحمن الهيلوم30-Aug-2008, 04:28 PM
صحت السنتكم جميع
تحياتي
مبدع يابوووووووووووووووحرب
ومبدع يابن عااااصم
خــالد الحربي30-Aug-2008, 04:49 PM
عبد الرحمن الهيلوم
صـــح بـدنـــك
